Si Albert ay isang masasabi natin, jack of all trades.  Bagama't graduate sa University of San Recoletos, Cebu City ng BS Electrical Engineering, sari-sari na rin ang mga trabahong pinasukan para lang kumita at itaguyod ang kanyang pamilya. Hanggang sa umabot na sa punto na para sa kinabukasan ng tatlong anak at mapagmahal na asawa, kaya naman ay nag-abroad noon 2007 at hanggang ngayon ay patuloy pa rin tinitiis ang lungkot ng pagiging malayo sa pamilya.

Sikat po sa social media, lalo na doon sa gitnang silangan ito si DjDaddyKalikasan!  Noon aking unang nakilala sa facebook, siya ay talaga naman, bibong bibo sa kanyang mga followers sa facebook live.  Lingit sa kaalaman ng mga nakakarami, ang pagpe-facebook live ni Albert ay isang paraan na rin ng paglilibang, panglaban sa homesickness at isa rin na paraan upang malaman na rin ng kanyang pamilya ang nangyayari sa kanyang buhay sa Abu Dhabi.  Ayos po, di ba?

Marami pang diskarte sa buhay ang ipinabahagi ng ating guest.  Kaya naman, bilang buena mano para sa Season 4 ng OFW on AIR Podcast with Kuya Tsong...inaanyayahan ko po kayong lahat na magkinig at mag-enjoy sa aming huntahang buhay OFW.  Listen and be inspired!

Ito na nga siguro ang isa sa pinakamalungkot na panahon para sa buong pamilya na may OFW.   Papano naman kasi, para sa ating mga Pinoy… mas masaya kung sama-sama ang pamilya sa Noche Buena at sa pagpasok ng Bagong Taon! Mas magulo at lubos ang kasiyahan pag nagkakantyawan na ang buong mag-anak at barkada.  Ang saya-saya talaga ng Pasko sa ating bayan.

Di bale mga ka-tsong, nireserba ko talaga ang interview na ito para sa huling episode ng OFW on AIR Podcast with Kuya Tsong sa taong 2018.  Ika nga nila, we are saving the best for last!  Kauna-unahan  po ito na ang aking nakapanayam ay mas may edad kaysa akin!  Tinalo po ang inyong Kuya Tsong sa paputian ng buhok!

Kauna-unahan sa tatlong taon na tayo ay napo-podcast, na face to face interview with an OFW!  At ito rin po ang first time na ako ay nag-interview ng walang script!  Nagsimula ang aming kwentuhan sa loob ng recreational center dito sa Edmonton, Alberta, Canada at ginanahan kami ng husto hanggang sa aking niyaya na lumabas kami sa gilid ng center, nilabas ko ang aking cellphone at ayun, nirecord ang aming huntahan.  Just like that! It was really impromptu and magical!

Siya ay dating guro at napilitan na magbanat ng buto sa bansa ng mga Arabyano, sa Kingdom of Saudi Arabia.  Mula sa pagtuturo, napunta sa mabigat na trabaho bilang construction worker at para madagdagan ang ipon ay pumasok na rin sa iba’t ibang gawain habang nasa Saudi. I don’t want to take the thunder out of the interview.  Narito po ang masayang kwentuhan namin ng isang ex-OFW sa Saudi Arabia… Troadio Manalo

Grabe! ang bilis-bilis talagang tumakbo ang panahon.  At sa pasasara ng taong ito, nais ko lamang pong pasalamatan kayong lahat sa patuloy ninyong pagtangkilik sa ating only podcast na para lang sa mga bagong bayani na OFWs.  Thank you very much and kita-kita muli tayo next year sa ating OFW on AIR Podcast with Kuya Tsong.  Abangan po ninyo ang mga pagbabago next year. Bye bye!

Di na yata magbabago ang kaugalian na ito.  Alang-alang sa kaligayahan ng mga naiwan sa Pinas, ibibigay ang konting ipon basta lumigaya lamang ang lahat.

At ganito rin po ang ating piling guest sa episode na ito.  Naunang naging OFW sa Malaysia noong 2013 at ngayon ay nagtratrabaho sa bansa ng Hong Kong bilang FDH or Foreign Domestic Helper.  May apat na anak kaya naman todo kayod rin po upang matustusan ang araw-araw na pangangailangan ng pamilya.  Nakakatuwa po ang aming interview dahil kailangan pa naming ituloy ang interview ng ibang araw dahil sa masamang internet connection.  At sa pangalawang interview na naganap noong June 12, 2018 na Independence Day po natin, mas naging makabuluhan ang aming usapan.    Kaya hindi ko na po kayo bibitinin, at by the way, this interview will be available on the internet, on Apple iTunes and Google Music on the day of her birthday, which is Nov 29!   Kaya, happy birthday sa ating guest na si Carrissa Uy!  Enjoy!

This interview is brought to you by Kuya Tsong Canadian Immigraton Services.  For all your immigration needs, like Family sponsorship, Spousal sponsorship, Parents sponsorship, Express Entry, study permit, work permit or tourist visa, don’t hesitate to give us a call at 780-405-3356 at kung kayo naman ay nasa labas ng Canada, you can visit our website at www.kuyatsongimmigration.ca and leave us a message.  Dito sa Kuya Tsong Canadian Immigration Services, we will treat your application like it is ours!

Bago ang lahat, nais ko lamang pong i-plug, na ang OFW on AIR interview na ito ay hatid ng ating Kuya Tsong Canadian Immigration Services. For all your immigration needs, like Express Entry, Family sponsorship, Spousal sponsorship, study permit, work permit or tourist visa, don’t hesitate to give us a call at 780-405-3356 at kung kayo naman ay nasa labas ng Canada, you can visit our website at www.kuyatsongimmigration.ca and leave us a message.  Dito sa Kuya Tsong Canadian Immigration Services, we will treat your application like it is ours!

At para sa episode natin ngayon na 65, ay ipagpapatuloy natin ang ating masayang huntahan sa ating kaklase noong kami ay nag-aaral patungkol sa Canadian Immigration law sa University of British Columbia dito sa Canada.  Ang aking tinutukoy ay ang ating ka-tsong na si Antonio Pichon.  Sa nakaraan natin episode, naikwento ni Tony ang kanyang dinaanan upang makapunta sa Canada.   Sa unang application nya ay nadeny siya ng Canadian immigration, ngunit sa sipag, pagtitiyaga at pagpupursige, naipasa rin niya ang language test at natanggap sya sa pangalawang application.  Ano kaya ang nangyari sa kanya dito sa Canada?  Naging madali ba ang kanyang adjustment at nagamit ba niya ang English ngayon nandidito na sya sa Nanaimo, Bristish Columbia, Canada? Magugulat kayo sa mga kwento nya…O ano pa ang hinihintay ninyo...click the play button and listen to the interview.  Enjoy!

If you are frustrated or stressed-out with your immigration application, we can help. Kuya Tsong (Kirk Lim) is a registered Canadian immigration consultant. Call or leave a message at (780) 405-3356. Will find ways ... for you and your family!

Kumusta kayong mga kapatid na OFWs sa buong mundo! Aba, parami ng parami ang ating angkan na mga OFWs.  Sabi nga nila kahit saan ngayon ay may Pilipino…maging sa liblib na lugar ng Australia, may Pilipino, kahit sa malamig na lugar ng Alaska, tiyak na may pinoy…kahit nga sa Mongolia o sa komunista na bansa ng North Korea, siguradong may Pinoy doon.  Iba ang survival instinct ng mga Pinoy.  Iwan mo lang, kaya niyang mag-adapt, kaya niyang makibagay, makitungo, makihalubilo.  Kahit hindi marunong mag-Chinese, pag nasa China, mga ilang linggo lang…maririnig mo na matatas ng mag Chinese.  Palibhasa sanay sa hirap sa buhay, kaya walang sitwasyon o problema na hindi kayang tiisin.  Kaya naman, ang mga superheroes natin na OFWs, parang bakal ang kanilang dibdib at sikmura.  Kayang tiisin ang lungkot, ang homesick, ang gutom, ang trabaho, ang pag-iisa alang-alang sa pamilya sa Pinas.  Kaya naman, saludo talaga ako sa ating mga ka-tsong….you are truly a super hero!

Of course, mapalad po tayo sa oras na ito dahil, sasamahan tayo ng isang wonder woman na isang OFW na nasa Abu Dhabi, United Arab Emirates.  Ang wonder woman na ito ay isinilang sa Isabela at may limang anak!  Opo, limang anak na puro lalaki…dito pa lang wonder woman na di ba?  Ang nakakatawag ng pansin sa kanya ay ang kanyang boses…dahil mahilig po siyang umawit.  Ito pa, noong nasa Pilipinas pa sya, isa sa kanyang hanapbuhay ay ang pagkanta sa mga burol ng patay!  Akalain ba ninyo na, malakas pala ang kita sa pagkanta para sa patay!  Opo, may hanapbuhay sa patay!  Ngayon, ay mahilig syang mag kakakanta sa online app na Smule at dito nga ay mayroon na siyang 300 plus songs!  Kung kayo ay nagfe-facebook, siguro ay napanood nyo na sya.  Kabibirthday lang niya nang aking mainterview noong August 23.  Kaya, talaga namang maganda ang mood at aura ng ating katsong na si Marites Cabugao or si Marie.  Kaya kung gusto ninyong malaman kung papano ba mag-celebrate ng birthday ang isang OFW na katulad ni Marie…aba eh, pakinggan na ninyo ang interview na ito.  Bago natin, umpisahan ang interview, nais ko lang na banggitin na pagnarinig ninyo ang katagang “aplod” o “naaplod” ang ibig sabihin po neto na diskaril o sumabit.  Kailangan ko sabihin ito para mas lalo ninyong maintindihan ang aming usapan. Okay, ang ibig sabihin po ng aplod ay sabit o nasawi.  Bueno, narito po ang aming masayang tawanan, huntahan at puno ng tips at gabay para sa mga aspiring OFWs,  a chat with Marites Caranzo Cabugao…enjoy!

So welcome po muli sa ating virtual kapihan, at ako ang inyong Kuya Tsong na nagpodcast mula sa napakagandang siyudad, ng Edmonton, Alberta, Canada.  Sa ating episode na ito, nais kong magbigay puri sa aking dalawa anak na si Kenji at Kamei dahil naabot na po nila ang ika 50th episode ng OFWonAIR Cooltips.  Opo, naka 50 na blog articles na pala ang dalawang ito.  Di nyo naitatanong, kasama ko po sa OFW on AIR advocacy ang aking pamilya.  Kaya nga siguro ganito katatag ang ating advocasia dahil di lang si Kuya Tsong ang naniniwala sa kakanyahan at kabayanihan ng mga OFWs, kundi pati na rin ang aking pamilya.  Si Kenji po ang writer ng mga Cooltips at si Kamei ang kanyang graphic artist.  Marami na pong naiambag ang dalawang ito sa pagbibigay ng mga gabay at information para sa ating mga OFWs at OFW aspirants.  At para nga po sa ika 50 episode na ito, ang ating cooltips ay hindi po para sa mga OFWs o OFW aspirants, ito ay para sa mga pamilya na naiwan sa Pinas.   Opo, kayo na laging nasasabik na makatanggap ng balikbayan box,  kayo na pag hindi napadalhan ng remittance ay panay ang text sa OFW na tatay o nanay at kung napadalhan naman na ay, bigla na lang tumatahimik ang facebook messenger at nalimutan na ang nagpadala na OFW..  Opo, kayo na dahil nasa Saudi ang tatay o nanay ay naglalakwatsa at nag dodota na lang sa internet café.  Of course kasama rin naman yung mga mababait na pamilya ng OFW na dahil wala sa piling ng tatay o nanay ay pinipilit na itayo ang sarili upang mabuhay ng marangal.  Alam nyo mahalaga ang participation ng mga pamilya na naiwan sa abroad upang maging maayos at matiwasay ang kalalagyan na mga ka-tsong na OFWs.  Hirap para sa mga OFWs ang magtrabaho sa abroad dahil, una ay iniisip nila ang kanilang buhay sa abroad at pagsapit gabi naman ay inaalala naman nila ang mga mahal sa buhay sa Pinas.  Kaya laging apektado ang isip at damdamin ng mga OFW sa galaw sa Pilipnas, kaya kung ako sa inyo, please read our cooltips 50 at ishare ninyo ito sa inyong mga kasama at pamilya para sa ganun ay maintindihan din nila ang dapat nilang gawin.

Bueno, ito rin po ang isa sa napag-usapan namin ng ating ka-tsong na OFW sa kingdom of saudi arabia.  Si Jocelyn Rabe ay isang maipagmamalaki natin na OFW  dahil sa kanyang determinasyon at husay sa pagturing ng kanyang employer.  Dalagang taga Maguindano po si Jocelyn, panganay na pinag-iwanan ang huling salita ng kanyang yumaong ama.  Naku, buti pa ay makinig na lang kayo sa very informative, inspirational and aspirational episode with Jocelyn Rabe.  Enjoy!

Locked and loaded po ang ating episode ngayon.  Naku po, isa itong gold mine na episode dahil siksik, liglig at umaapaw sa inspirasayon ang ating interview sa isang OFW sa South Korea.  Siya ay isang machine operator sa umaga at kapag wala sa trabaho  ay nagbebenta ng food supplement upang madagdagan ang kita at syempre para lalong yumaman.  Sino ba ang di gustong yumanan? So yung mga may gusto, sit tight and relax dahil mapapakinggan ninyo ang isang malikhaing paraan ng pagbebenta sa online.  Maniwala kayo, bibilib kayo sa kanyang pamamaraan.  Hindi ko na po patatagalin pa, isalang na natin ang aking interview kay Abdel Saber, isang taga Makati na mas kilala sa taguring Kyevin Dee.  Isang paalala lamang po, maghanda kayo ng softdrinks at kropek ngayon na, dahil pag nasimulan na ito…di na ninyo ito bibitawan.  So here we are folks…enjoy!

Naku, naghimutok na agad ako.  Ako nga pala ang inyong Kuya Tsong at kayo ay nakikinig sa ating ika-58 na episode ng OFW on AIR Podcast show.  Oy nga pala, matahimik nating nairaos ang ikalawang anniversary ng ating adhikain kaya Happy 2nd birthday to us!  Ang pagbati na yan ay para sa inyong mga ka-tsong na patuloy na nakikinig sa nakaka-addict na programang ito.  Opo, this is a habit forming program at di ko rin kayo masisisi na balik-balikan ang pakikinig sa OFW on AIR Podcast.  So congratulations sa ating lahat, 2nd anniversary na natin ito tsong!

And speaking about buhay OFW, at sa tulad ng ating nakagawian, ating makaka-usap sa virtual kapihan ang isang dilag na taga-UPI, Kalinga Province na ngayon ay isang caregiver na OFW sa Israel. Pangako ko sa inyo na isa ito sa mga interview na magaan ang usapan mula sa simula hanggang katapusan.  Masayahin na tao ang ating na-interview at ito nga ang isang napapansin ko sa mga OFWs na nasa Israel.  Proud sila sa kanilang narating kahit halos ibigay nila ang isang taong pagtratrabaho doon upang mabayaran lang ang mataas na placement fee dyan sa Israel.  Ngayon palang bumabawi ang ating katoto na sa Israel, kaya very positive ang pananaw niya na ito na ang simula ng pag-angat sa buhay na hinihintay niya.  Muntik pa nga syang maging sundalo at buti na lang di nakapasa sa requirement.  Sabi ko nga sa kanya, kasi pang beauty contest ang mga ngiti nya.  I fell in love with her diction.  Akala ko ay mga Ilonggo lang ang mga malalambing magsalita,  ang mga Igorot ay malambing din pala pakinggan.  Anyway, isalang na po natin agad ang ating interview kay Cristina Tega, isang malambing na kabayang Igorot na nasa Israel. So let’s rock and roll, our featured OFW guest na si Cristina na ang palayaw ay si Leih.  Enjoy!

As usual, excited na naman ang inyong kuya tsong sa episode na ito.  Sa wakas ay makakasama natin sa interview portion ang isang nurse na ngayon ay nagtratrabaho sa Saudi.  Ang matindi pa nito, ay 24 anyos lamang sya.  At OFW na sa edad na 21 anyos pa lamang.  Panganay sa limang magkakapatid at nagmula sa pamilya na ang ina at ang ama ay kapwa naging OFW.  Isang Ate na ang hangad lamang ay mabigyan ng edukasyon ang 4 na kapatid.  Dahil sa dalaga pa si Mhay, kasama sa aming huntahan di lamang ang hirap ng pagtataguyod sa pamilya sa Pinas, dale na rin sa aming usapan ang kanyang na-unsyaming pagpapakasal.  Isa pang aspeto ng pagtratrabaho sa abroad ay ang dulot ng matagal na panahon na hindi pagkikita ng magulang sa mga anak, isang bagay na nagturo kay Mhay na maging bukas ang isip at maging responsable sa sariling desisyon.  Sa ating mga OFW aspirants, opo doon sa mga katsong natin na nagbabalak na magtrabaho sa abroad, para sa inyo ang aral na kaloob sa episode na ito. Isang tip lamang po, habang pinakikinggan ninyo ang aming kwentuhan, namnamin ninyo ang mga kwento ni Mhay at pagkatapos ay humarap kayo sa salamin at itanong ninyo sa inyong sarili  “Kayo ko ba ito?”   So folks, let’s rock and roll, with pride and pleasure, here’s our feature OFW guest, the beauty and brain and guts…Ms Cherry May dela Cruz… Enjoy!

Di ko kayo huhusgahan sa diskarte ninyo, ha.  Pero, sana bago kayo makauwi at kung may pagkakataon, subukan din ninyong pumunta sa mga magagandang tanawin sa bansa na inyong pinagtratrabahuan.  Kahit ano pa ang sabihin ninyo, masarap pa rin na maalala nyo sa inyong pagbalik ang mga nakita ng mga mata nyo.  Di lamang mga tourist spot, pagmasdan ninyo ang mga daan, ang mga patakaran, ang takbo ng buhay para magsilbing masayang alaala ito sa inyong pag-uwi sa Pinas.

Sabagay, pag bagito kang OFW, ang lahat ng makikita mo sa ibang bansa ay bago!  Excited pa di ba?  Kaya sa episode na ito, atin namang kakausapin ang isang baguhang OFW na isang caregiver sa Taiwan.  At dahil sa palaging na ho-homesick, ay sinubukan niya ang mag-facebook live at dun nga ay nalilimutan niya ang kalungkutan at di lang yun…sya pa ay nakakatulong rin sa ating mga kababayan sa pamamagitan ng pagbibigay ng aliw sa pag-awit, pagbati at pagbibigay ng mga payo tungkol sa buhay at pag-ibig.  O ano, gusto na ba ninyo syang pakinggan?  Well, bago natin isalang ang interview, nais kong iplug ang kanyang show….siya po ay si Dj Enzo na host ng programa na “Love Confession” na mapapakinggan ninyo sa Iron Eagle FM Radio na isang app sa Google play.  So di na po ako magpapatumpik-tumpik, narito ang ating masayang huntahan sa isang bagong OFW sa Taiwan, please welcome Leilani Medrano Comia.  Break it down Lei!

At di na po tayo magpapatumpik-tumpik pa. Ang guest natin today ay isang ka-tsong natin dito sa bansa ng Sultanate of Oman. Naganap ang ating interview last year noong siya ay malapit nang matapos sa kanyang work contract. Siya ay aktibo pa noon na admin sa isang malaking grupo ng mga OFW ngunit sa ngayon ay minabuti niya na mag-concentrate sa trabaho bilang OFW. I believe you will enjoy our conversation as I did. Parang nasa kapihan lang ang usapan namin, kaya relax na relax. May mga sandali na nagkakaproblema ang aming linya sa skype pero makukuha naman ninyo ang ibig sabihin ni Mae sa kanyang mga makukulay na sagot. First ko pong narinig ang katagang ‘Inatay’ na ayun kay Mae ay pinagdugtong na ‘Ina’ at ‘Tatay’. At sa salita na yan natin simulan ang interview…sa isang OFW sa Oman, na isang Inatay, walang iba kundi ang dating admin ng grupong tumutulong sa mga distressed OFW sa Gitnang Silangan, please welcome Mae Quimpo Nadim….Enjoy!

 At sa pagpapatuloy ng ating Podcast ngayong taon, mayroon na po tayong mga nakahain na interview bago pa magsimula ang Bagong Taon.  Mayroon tayong mga OFWs mula sa ating suki na lugar na Gitnang Silangan, mayroon din naman mula sa mga piling lugar dyan sa Asian region.  At bago tayo magkalimutan, wag po kayong bibitaw hanggang sa dulo ng ating Podcast na ito.  Aking i-aannounce ang pagbabago ng format ng ating Po dcast sa taong ito.  At bilang buena mano para sa taong ito, ating bubuksan ang unang kabanata with a very exciting guest from South Korea.  Naku po, sikat po ang ating guest na ito.  In fact, he has been interviewed on several occasions sa mga radyo at telebisyon dahil di lamang sa husay nyang magpaliwanag, very modern and good looking po ang ating panauhin.  I think, nahawa na rin siya sa kultura ng South Korea kaya K-pop na k-pop ang dating ng ating ka-tsong na panauhin.  Ang sarap-sarap pong kausap ng ating guest at umabot yata ng mahigit dalawang oras kaming nag-usap tungkol sa mga bagay-bagay sa buhay.  Bata pa ang ating guest (o well bata sa edad kung ikukumpara ninyo ito sa inyong abang lingkod) ngunit marami na pong pinagdaanan sa buhay.  Kaya kung kayo ay nagbabalak na maging OFW, wag muna kayong magpapasya hangga’t hindi ninyo napapakinggan ng buo ang episode.  At kung kayo naman, ay isang kaanak ng isang OFW, hindi ninyo panghihinayangan na ubusin ang oras ninyo sa episode na ito dahil makukumpleto ninyo ang larawan ng isang tunay na OFW.  Hindi araw-araw ay pasko sa mga nagtratrabaho sa labas, kaya matuto kayong pahalagahan ang mga padala at bilin ng inyong Tatay o nanay na OFW. 

Bueno, di ko na po patatagalin pa ang ating special na interview with the editor ng  Sulyap Pinoy - sa South Korea. I would like to welcome as our first OFW guest in 2017, Mr Joel Talde Badulis, isang OFW extraordinaire mula sa Land of the Morning Calm ...South Korea.  Enjoy!

Ang episode na ito ay ang huling episode ng Season 1 ng OFW on AIR.  At dahil sa tagumpay ng unang tangka natin ay susundan po natin ito ng Season 2, kaya abangan po ninyo ang pagbabalik ng ating podcast Season 2.   Magpapahinga muna tayo sa podcast at we will be back On AIR sa January 2017!  Gagamitin namin ang oras na ito, una para makapahinga naman at pangalawa, pag-isipan kung ano ang maaaring pagbabago sa ating podcast upang mas lalo itong maging kapakipakinabang.  So folks, abangan ninyo yan ha.

Bueno, it is time to announce our last feature OFW guests for Season 1 at siya ay si Astra Cenona Marasigan Decembrana, nagsimulang maging OFW bilang Physical Therapist sa Saudi Arabia, dumiskarte at napadpad sa Toronto, Canada!  Hindi lamang yan, si Liliput o si Astra ay isa nang Permanent Resident dito sa Canada kaya ilang taon na lang ang bubunuin, magiging Canadian citizen na po siya!  Inaanyayahan ko po kayo na pakinggang mabuti ang aming kwentuhan dahil may kaloob ito na information kung papano sya nakapunta sa Canada at baka ito rin ay maging daan ninyo.  Nais ko lang pong ipaalala na hindi ko kilala ang agency na ito at hindi ko po ito iniendorso.  That said, mag-research po kayo na mabuti dahil hindi para sa lahat ang immigration program na ito.  Okidoki, tama na ang patutsada narito na ang aking interview sa isang ka-tsong sa Canada….Astra Cenoa Decembrana. Enjoy!

O nga pala, bago tayong pumalaot, ang pamilya po ng OFW on AIR ay nakikiramay sa ating mga kababayan na naapektuhan ng pagsabog sa night market sa ating bayan ng Davao City.  Dito rin po ang kuya tsong isinilang kaya masakit sa akin na makasagap ng ganito klase na balita.  Di ko po maitago ang pagkalungkot dahil maraming inosente ang nadaramay sa pagsabog na ito.  May mga 15 ang namatay at 71 ang nasugatan ang natala ng ating PnP at may nabalita pa nga ako na may isang OFW na isang masahista ang nadali. Sa panahon ito, saan ka pa kaya tatakbo?  Pagnasa labas ka naman ng bayan, oo nga, tahimik, may giyera rin naman sa inyong puso dahil pilit mong linalaban ang pangungulila or homesickness.  Kaya mga katsong, pagsabihan po ninyo na huwag na masyadong lumabas ang inyong mga mahal sa buhay at hanayaan ninyo na gumalaw ang ating gobyerno na gawin ang nararapat upang maging tahimik ang ating bayan sinilangan.  Hindi po madali ang kalaban dahil sanay sa taguan ang mga terorista.  Sana ay magkamali ako, dahil pakiramdam ko ay lalong gumaganti ang mga hudas na terorista lalo na pag nakikipit na sila.  Sana ay maging successful ang ating mga tagapagtanggol sa pagtugis ng mga bandidong ito.  Para sa pamilya na nawalang ng mahal sa buhay dahil sa insidente ito, tagaping po ninyo ang pakikiramay ng inyong Kuya tsong sampo ng ating mga nakikinig sa programang ito.

Bueno, mainit na po ang ating makina, kaya simulang na natin ang ating interview sa ex-vice chairman ng grupong OFWULA, (Overseas Filipino Workers, Undocumented for Legalization and Amnesty. Gaya ni Frederick Cornejo, na ating nainterview noon episode 46, si Nely Natividad ngayon ay naka-uwi na sa Pilipinas sa piling ng kanyang 2 anak. Napanood ko po si Nel na nananawagan sa youtube at dahil dito ay pinilit ko rin na anyayahan sya upang maipamahagi niya ang layunin ng kanyang samahan.  At syempre, hindi ko na po pinakawalang si Nel na magkwento ng kanyang “colorful life” at matapang na inamin ang pagtangka at kagaguhan ng dating among lalake.  Pakinggan po natin kung papano niya ipinamukha sa kanyang anak ng pakwang bulok na amo ang kanyang pakabanal na aso.  Oh, bitin na ba kayo…tara na, byahe Saudi tayo with Nely Natividad, isang OFW na bukas ang palad tumulong sa kapwa.  Enjoy!

Grabe po ang ngiti ni Hidilyn noon dumating sya sa NAIA at sinalubong ng kanyang mga magulang, ng mga pulitiko, Philippine Air Force officials, mga taga media at mga fans at of course may kasamang tugtug pa yan mula sa Air Force Drum Corps. Sadyang masaya ang atmosphere at tama lang na namnamin ni Hidilyn ang warmest hero’s welcome.  Pinaghirapan niya yata ito!

Nabanggit ko itong hero’s welcome dahil ito ang naalala ko ng aking nakausap ang ating featured OFW para sa episode na ito, isang OFW sa South Korea.  Naapektuhan po talaga ako ng umabot ang usapan namin tungkol dito.   Siya nga po pala ang kauna-unahan na guest natin mula sa bansang ito kaya noong sinabi niya na ready sya, kahit, may muta pa ang aking mga mata, hilamos lang ako, at recording na kami.  Lumalabas sa interview na marami rin pala ang nagtatrabaho sa South Korea.  Ang kabisera ng South Korea, ay ang Seoul na may population na mga 10 milyon at alam nyo ba na kalahati ng mga tao dito sa syudad na ito ay nakatira sa taas ng mga high rise buildings.  Kilala ang South Korea sa pagiging pinakamayaman na bansa sa Timog Silangang Asia at pang walo sa buong mundo sa pinakamataas na average na suweldo ng mga manggagawa. Ang South Korea ay may pinakamabilis na internet sa buong mundo at may pinakamaraming smartphones kumpara sa ibang bansa.   Napakaunlad po ng bansa, ngunit para sa pang karaniwang Pilipino, kilala natin ang bansang ito sa kanilang magagandang teleserye at k-pop.  Sa ating araw-araw na buhay, halos, bawat kanto ay may Korean product…nandyan ang tatak Samsung, LG, Hyundai, Kia, Hanjin, Daewoo na kilala sa larangan ng kotse at electronics.  Kaya naman, ma-iingganyo ka talaga na subukan na applyan ang South Korea.  Papano nga ba mag-apply dun, well, e di kausapin na natin ang ating featured OFW guest na si Peter Palomata Corocoto at alamin ang mga kasagutan sa tanong na yan.  Enjoy!

So without furher ado, narito ang head admin ng Kapitbisig, isang ina, isang OFW at isang nangarap na balang araw ay makauwi at makatulong pa sa kapwa…let’s all welcome to our show…Mercedita Dogma o si Admin Mherzz/Macoy. Enjoy!

Well, siguro naman kung kayo ay sumusunod sa balitang OFW, alam na ninyo na bumisita muli ang Labor Secretary na Sec. Silvestre Bello III sa Saudi (sa pangalawang pagkakataong, una noong July 22 at 23, lastweek Aug 15.)   Ang layun ng bisita?  para alamin at gumawa ng karampatan aksyon upang mabigyan ng madalinang lunas ang lumalalang problema ng mga undocumented OFWs sa Saudi.  Pag sinabi nating undocumented ito po yun mga OFWs na sa mata ng batas ng Kaharian ng Saudi ay wala na pong working visa o kung mayroon ay nainbalido dahil siguro ay hindi kayang ipagpatuloy ang employment relation o di kaya ay tumakas ang ating kababayan at nireport ng kanyang Amo ang status ng pagtakas at marami pang kadahilan.  Kaya sa episode na ito, inimbitahan ating ang dating pangulo ng OFWULA – ang Oversea Filipino Worker for Undocumented for Legalization and Amnesty. Isang masilan po na usapin ang pinaglalaban ng OFWULA kaya wala na sigurong hihigit pa na makakapag-paliwanag sa bagay na ito kung hindi ang founder at ngayon ex-president ng OFWULA na si Frederick Cornejo.  Syempre, dahil ex-OFW po sya, maluwag po niyang ikwenito mula na siya at nasimulang nag-isip na umalis hanggang naging OFW.   Nais ko lamang ipaliwanag na noon initerview ko sya ay nasa Saudi pa siya at siya ang pangulo ng samahan OFWULA noon. May bagong pangulo na po ang OFWULA ngayon, ngunit kahit nasa Pilipinas na si Frederick, patuloy ang kanyang pagtulong sa mga naistranded sa Saudi. Infact, siya ay nakipagmeeting pa sa officiales sa POEA upang ilugod ang mga daing ng mga undocumented workers sa gitnang silangan.  Narito po sa pinaka-aabangan na interview ng OFWonAIR…ang dating pangulo ng OFWULA na si Frederick Cornejo.  Enjoy!

Noon July 18, kung inyong naaalala pa, ay inilabas natin ang episode 41 na ang pamagat ay “Bawal Magkasakit / Chat with April Joy Manla”.  Dito, aking pinahapyawan ang isang ka-tsong natin sa Taiwan na napanood ko sa facebook na nagtratrabaho kahit may dinaramdam na sakit.  At heto na po ang interview natin sa kanya.  Siya si Jordan David Abulong Carable ("Danoy" ang nick name niya) na isang factory worker sa isang company ng chemical sa Taiwan.  Binalikan ko po ang aming huntahan at habang pinagdudugtong ko ang mga audio para sa episode na ito, di ko namalayan na ang dami palang quotable quotes itong si Danoy!  Nahirapan tuloy ako sa pagpili ng ilalagay sa opening sound bites at sa banner ads ng episode 44.  Kaya ang payo ko sa inyo lalung-lalo na dun sa mga kababayan natin na gustong mag-abroad para magtrabaho, seryosuhin ninyo ang pakikinig dahil marami kayong mapupulot na aral.  Naku, para sa ating mga ka-tsong na OFWs, I am very sure, sure as the sun rises from the east, makakarelate kayo ng husto sa interview na ito.

Hindi po intensiyon ni Danoy at ng abang lingkod ninyo na kaawaan sya.  Kung ito po ang manaig sa inyong damdamin pagkatapos na mapakinggan ang episode na ito, naku, sawi po kami ni Danoy na maipahatid sa inyo na…ang sakit gaya ng kalungkutan o homesickness ay hindi po maiiwasan.  Talagang darating at darating ang araw na lalagnatin ka o uubuhin at buti nga sana kung lagnat at ubo lang, di ba?  Minsan sa kagustuhan mong kumita ay isinasakripisyo pati ang iyong kalusugan.  Ika nga ni Danoy, para siguradong may maipadala sa magulang, kakayanin niya ang pumasok sa factory.   Kung kayo ay mahina ang loob at may balak mag-abroad, itigil nyo na ang balak na yan.  Ngayon, kung mahina o may problema kayo sa inyong kalusugan, pagpaliban nyo muna ang mag-abroad hanggang sa ang sakit ay magamot at mawala.  Siguro naman ay purgang-purga na kayo sa akin at sa mga OFWs na nainterview natin na hindi biro ang mangibang bayan.  Di bale nang makulitan kayo sa akin, basta ang mahalaga ay malinaw na malinaw sa inyo ang mensahe na kailangang buo ang loob at maayos ang inyong kalusugan bilang preparation sa anumang mangyayari sa abroad.  Gaya ng ano mang gawain, ang pag-aabroad ay kailangan ng pisikal at mental na paghahanda.  Marami kasi sa atin ang tingin ay dunong ang importante kasya katawan at hindi ko rin naman masisisi ito.  Marami kasing malusog pero walang nararating. Wag na po natin itong pagtalunan.  Mahalaga ang dalawang sangkap na ito.  In fact ang Panginoong Hesus na ang naghayag nang makita niyang natutulog ang kanyang mga disipulo sa paghihintay sa kanya na matapos magdasal…ika niya…”The spirit is willing but the flesh is weak”   - "Ang espiritu ay nakahanda, ngunit laman ay mahina."

At sa pangungusap na hango sa Mateo 26: 41 ng Bagong Tipang sa Bibliya, ating simulan ang  interview natin sa ating guwapo, mabait na anak, karinyoso at certified na binata na si Danoy.  Enjoy!

At isang naman po sa mahabang listahan natin ng mga guest, itong kwento ni Virgenia Sotto.  Sa Pilipinas palang ay sobrang ang bigat na pasan-pasan ni Bebe (ang palayaw ni Virgenia) ang hirap sa pakikisama niya sa kanyang asawa na nalululong sa droga.  Hindi po kayang pigilan ang pagtulo ng luha ni Be habang siya ay nagkwekwento.  Makailan ulit rin ako natigilan dahil may mga panahon din ako na madaling maapektohan.  Pero ang maganda sa karanasan ni Be, may plano pala ang Diyos sa kanya.  Dahil sa hirap sa Pinas, ay natuto po syang tumayo at ipakita sa kanyang una amo ang tibay ng kanyang paninindigan.  Mabuti pa umayos na po tayo at simulan na po na ating maalala mo kayo OFW on Air version ng buhay Virgenia Sotto.  Enjoy!

So how are you folks?  Siguro lugmo na rin kayo sa kaliwa’t kanan na masasamang nasasagap ninyo sa dyaryo o sa radyo o internet.  Mayroon dyan yung, inararo ng bus ang maraming civilian sa Nice, France, mayoon ding insidente ng pamamril sa US, di lang sa mga civilian pati sa mga kapulisan dun ay ginagantihan na rin.  Dati, magana akong nanonood ng TV Patrol pero ngayon, tinigil ko na po.  Nadidismaya ako sa dami ng patayan sa atin…20 minutes akong nanonood at wala pa rin tigil ang balita tungkol sa mga napapatay na holdaper at drug pushers.

Kaya para baligtarin na ang nakakahaba ng mukha na masasamang balita, lets look at the other side.  Alam niyo ba na lahat tayo ay isinilang na winner.  Opo, kayo na may problema ngayon sa inyong love life, kayo na kinukulit ng mga kamag-anak sa Pinas na dagdagan ang padala, opo kayo na nalulungkot sa dahilang nami-miss ang mga kinagawian dati sa Pinas, kayo na di makatulog sa gabi sa kakaisip kung saan patungo ang buhay….wag nyong isipin na talunan kayo.  Kung sakali man na talagang hirap ang kalagayan mo ngayon, isipin mo lang na pansamantala lang ito.  Tayo ay nilikha ng Diyos na kawangis niya at kaya mula pa sa pagkasilang winner na po tayo.  Imagine, ninyo na sa libu-libo na semilya ang kumawala, ang semilya niyo ang nabuong baby at naging kayo…o di ba born winner!

Sa totoo lang, kuna ating susuriin na maigi, iisa lang naman ang sinasabi o tinatanong ng panalo at talunan.  Pag may problem, magmumukmok ang mga talunan ang ugali, at magsasabing….Diyos ko, ano na naman ito?  Sa dinami rami naman ng tao sa mundo e sa akin pa nangyari.  Bakit ako pa?  Ano na ang magagawa ko?  Hirap na ako Lord, ang mga anak ko ay maliliit pa at ang asawa ko di ko maaasahan, at mahaba pang complain yan.

Balingan naman natin ng pansin kung ano ang monologue ng isang positibong tao sa malaking problema, at ito ang sabi niya…Diyos ko, ano na naman ito? Sa dinami dami ng tao sa mundo, alam kong mayroon kang mensahe sa akin.  Kaya, kakayanin ko ito. Ako pa?  Ano nga ba ang magagawa ko?  Ngunit sa tulong po ninyo, makakaraos din ako at malalampasan ko rin ang pagsubok na ito.   Hirap na ako Lord, ang mga anak ko ay maliliit pa at ang asawa ko di ko maasahan, pero susubukan ko na kausapin sila at makahingi ng pag-iintindi nila.

Kung mapapansin ninyo, halos pare-pareho lang naman ang mga tanong at hinagpis ng tao na winner at loser di ba?  Nagkakatalo lang sila sa attitude, sa pagtanggap at pagproseso ng problema.  Ang problema po ay lumalaki dahil pinapalala ito ng ating isipan.  Ang problema ay nagiging isang pagkakataon kung bukas ang isipan sa katotohanan na walang problema na hindi kayang lutasin.   Ang sikreto ay ang inyong isip, turuan natin ang ating utak na baguhin ang ating pananaw sa buhay at tiyak na mababago rin ang iyong buhay.  Pagyamanin natin ang ating isipan ng mga kaalaman at turuan ito na maging positibo. Subukan ninyo ito para hindi laging lubog sa lungkot at kabiguan ng buhay.

Gaya ng susunod nating makakapiliing sa interview portion.  Di lamang maganda sa pisikal, kundi maganda rin ang kanyang mental attitude.  So let’s all welcome to OFW on AIR, ms beauty and brain ng Israel, Ms Hazel Mararac.  Enjoy!

Kayo po ay nakikinig sa episode 40, opo, 4-0 na po tayo ngayon at sa araw na ito, ang ating panauhin ay isang professional singer!  Di lamang professional singer, siya ay isa ring DJ sa isang internet program na raydiofilipino.com na kung saan ang kanya segment ay pinamagatang…”Ang buhay ay parang isang musika..with Lady V”.  Ang kanyang forte ay standard at Jazz.  Naging OFW sa Japan noong Bubble day sa Japan.  At pag sinabing Bubble days, ito yung nagkaroon ng Economic Boom ang Japan mula 1988 hanggang sa ito ay humupa rin noong mga 1993.  Noong mga panahon na ito, ang mga OFWs sa Japan ay parang nalulunod sa pera kasi napakalaki ng mga suweldo ng mga tao dun at kapag nabigyan sila ng mga tip lalung-lalo na sa mga Entertainers na Pilipino, halos isang suweldo na ng isang manggagawa sa Pinas.  Noong panahon din na yun nauso ang katagang….Japayuki!  By the way, wala pong kabastusan ang salitang Japayuki.  Ang salitang ito ay hinango sa Japan at Yuki.  Ang Japan ay lugar ang ibig sabihin at ang Yuki ay “papunta”.  Kaya ang literal na meaning ng Japayuki ay “Papuntang Japan”.

Ang inyong kuya Tsong ay nagtratrabaho sa Japan noong 1991 kaya naabutan ko pa ang sigla ng Japan noon.  Ay naku, sa dami ng pera, marami rin mga bisyo at tukso.  Dito nga ako natututong uminom, pero sa ibang episode ko na ito ikwekwento, hehe.  Anyway, Kaya naman ng Bubble day ayy marami rin akong nakitang panalo sa pagiging OFW at hindi po ako nagsisinungaling sa inyo na mayroon ding luhaan at talunan.

Ang ating guest po ay isa sa Panalo na OFW sa Japan.  Actually po, siya ngayon ay isa nang residente doon at kaya ang Japan ay kanya nang naging bagong tahanan.  Super busy po itong ating bida na OFW. In fact, hirap siyang maibook para sa interview.  Pero alam nyo bang damang-dama ni Kuya Tsong ang kanyang pamamahal sa ating mga kababayan. Hahayaan ko na po na ang ating guest ang magpadama nito sa inyo.  Narito po ang Jazz Diva ng Tokushima, Japan….the alluring and charming Vivian Hernaez alias Lady Vi.  Enjoy!

Alam kong nagbanggit ako last episode na hindi na muna ako magkokomento dahil sa may project po akong ginagawa ngayon.  Ito ay nangangailangan ng aking atensyon kaya di ko po patatagalin ang ating huntahan.  Nais ko lang sabihin sa inyo ang ating guest for today ay kahanga-hanga.  Di ba marami sa atin na laging sinisisi ang kahirapan sa buhay kaya’t di nakapag-aral.  Kahit Grade 6 lang ang inabot ni Marlyn Flores sobrang galing pa rin niya sa pag-diskarte sa buhay at she can communicate in English!  Kaya wala talagang excuse na tayo ay matuto rin na katulad niya.  Ang sikreto….kakulitan sa pagtatanong!  So without further ado, narito po si Marlyn Flores, isang proud OFW na dating nagtrabaho sa Oman, Kuwait at ngayon ay nasa Dubai, UAE. Enjoy!

Salamat sa Diyos at narito na naman tayo sa ating OFW on AIR Tambayan.  Kumusta na ba kayo? Sa ating mga OFW aspirants na nag-iisip pa lang kung mag-aabroad o hindi, nasa tamang show po kayo.  Mag-invest kayo ng oras na makinig sa ating mga na-interview na…may mga 37 na OFWs na po tayo na nakausap at nahingian ng kanilang salaysay sa kanilang buhay, mga pinagdaanan at mga payo na talagang namang angkop sa panahon dahil ang mga salitang nila ay hinugot sa kanilang karanasan bilang OFW. 

Nga, pala ako ang inyong Kuya Tsong, na isa ring naging OFW noon sa Japan at dahil nga sa aking nakita doon, kaya aking itinatag at isinulong ang adbokasiya na tumulong sa atin mga kababayan na mabigyan sila ng kaukulang information tungkol sa buhay OFW.  Mayroon namang PDOS o tinatawag natin na  Pre-Departure Orientation Seminar, na isang mandatory seminar na kailangan daanan ng bawat Pilipino na aalis sa ibang bansa upang mag-trabaho.  Actually po kung kayo ay nagbabalak na magtrabaho sa abroad, mayroon ding PEOS, o tinatawag na Pre-Employment Orientation Seminar.  Ang PDOS ay para sa mga kababayan natin na may visa or permit na magtrabaho samantalang ang PEOS ay para sa mga nagbabalak pa lang na umalis.  Ang PEOS po yata ay online kaya kung kayo ay aspiring OFWs, mag create na ng account sa PEOS website at umattend sa online course na ito.   Libre naman yata yan kaya i-take advantage na po ninyo.  

Dahil nga sa ilang oras lang ang PDOS at PEOS, hindi lubos na natatalakay ang mga pangangailangan ng mga programang ito.  Oo, maririnig mo na dito ang ibat ibang information pero kung minsan ay hindi ka maka-relate, kasi nga ay di mo pa ito nararanasan.  Gaya halimbawa na kailangan mong alamin ang mga tradisyon o kultura sa bansa na iyong pagtatrabahuan.  Tama ho ito, kailangan talagang ihanda mo ang sarili.  In fact, kung ako kayo, sisimulan ko ang aking pag-aaral sa pamamagitan ng pagtatanong sa mga taong kakilala ko, hanggat maaari nga sa mga kamag-anakan.  Magtatanong ako ng husto sa kanila para matimbang ko kung kaya ko ang mga sinasabi nila.  Ganito rin kasi ang ginawa ko noong ako ay nag-trabaho sa Japan. 

Ngunit minsan, ang mga impormasyon ay kulang.  Kasi, hindi sapat ang oras para makausap mo sila.  Minsan nga minuto lang…eh ano naman ang makukuha mong information sa loob ng 15 minuto ng chat or call.  Dito po pumapasok ang ating programa na OFW on AIR with Kuya Tsong.  Sa pamamagitan ng OFW on AIR ay maaaring panghugutan ng mga kaalaman ng ating mga nakikinig ang mga karanasan, mabuti man o masama at mga salitang mag-sisilbing gabay at inspirasyon na pwedeng baunin ng mga baguhang OFWs or aspiring OFWs.  Ang kaigihan pa nito, ang mga kaalaman na ito ay nagmumula sa mga taong dumanas o dumaranas sa buhay OFW kaya ugma sa panahon at lugar ang kanilang mga gabay sa buhay.  Itinatanong rin natin ang masasamang experience nila sa abroad para hindi lang magaganda ang kanilang sinasabi.  Maikukumpara rin ninyo ang inyong mga pangarap sa kanilang pangarap at dahil dito ay maipipinta ninyo sa inyong isipan ang maaring pagdaanan ninyo kahit hindi pa kayo umaalis sa Pinas.  Kaya kung ako sa inyo, huwag ninyong panghinayangan ng oras ang paghahanda ninyo sa buhay abroad.  Ika nga, half of the battle is won, by planning and preparation.  The other half is thru execution.  Kaya imbitahan ang inyong mga kaibigan at kamag-anak na makita sa ating habit forming at nakaka-adik na programang OFW on AIR podcast.  I-share po ninyo ito sa mga kaibigan na maaaring naghahanap din ng pagbabago sa buhay at iniisip ang mag-trabaho sa abroad.

At ngayon ay isang ka-tsong natin ang naghangad ng pagbabago sa buhay na si Love.  May asawa at 3 anak na iniwan sa Pinas.  Marami siguro sa ating mga Ina na ganito ang kalagayan kaya di ko na po patatagalin pa.  Narito si Jennevive Onipa Valeros ang ating feature OFW guest sa episode na ito.  Enjoy!

Hellloooooooooo, mga katsong! Miss nyo na ba ako?  Inaabangan ba ninyo ang ating palatuntunan na dedicated exclusively only for our OFWs and those who are wanting to work abroad.  Hinahanap-hanap ba ninyo ang boses ni Kuya Tsong at sabik na malaman kung sino ang bagong guest natin? Well,  ako man ay excited sa every week na ginagawa natin ay lalo akong nananabik na makipag-usap sa ating tinatawag na bagong bayani.

Ako po ay unang naging OFW noon 1991.  Noong panahon na iyon ay wala naman akong balak pero ng sabihan ako ang aking kaibigan na isang dating katrabaho ko sa Intel Philippines, napag-isipan ko na bihira ang ganitong pagkakataon at bata pa naman ako sa aking career sa Pinas, kaya nagpasya ako na mag-apply at sa kabutihang palad ay natanggap sa Japan.

Syempre Japan yata yan…imagine ang magagandang tatak na ating kinalakihan…ang Sony, Toyota, Casio, Canon, Honda, Tamagochii at ang sikat na Voltes V na pinahinto dati ni Pres Marcos kaya inis ang mga bata 70s sa kanya! Haha, nawala tuloy ako sa linya ko.  Papano naman kasi, KJ si Apo sa childhood ko, hehe.  Anyway, balik tayo sa Japan…napakaganda po ng bansang ito. Malinis, tahimik, kahit dis oras ng gabi ay makakapag lakad ka na hindi nag-aalala, buhay na buhay ang mga siyudad, lalung-lalo na sa puso ng Tokyo, na siyang capital City ng Japan.   Mababait ang mga tao rito at ang pinakamahirap lang dito ay, bibihira lang ang makakausap mo sa English.  Kaya kung ikaw ay guro at magtuturo ka ng English, yayaman ka bayan!  Dito po akong unang namulat sa buhay OFW, homesickness, language and culture barrier, kahit maganda sa labas, ay para kang nasa loob ng hawla dahil mahirap gumalaw at magastos ang mamasyal.  Ang gusto ko sa Japan ay sa tuwing papasok ako sa trabaho ay nakikita ko sa train ang napakagandang Mt Fuji.  Napaka romantic ang lugar at 4 season din dito!  Mahirap po ang makapasok sa Japan. Mahigpit ang mga requirements ngunit pag nakalusot ka naman ay magandang simula na ito ng pagbabago sa iyong buhay.

Hindi po ako nang-iinggit.  I am just sharing what I remember of Japan.  And speaking of Japan, we finally have someone from Japan in our interview portion.  Di lang siya OFW, siya ay isang DJ rin.  Kaya pamatay ang boses. She has been broadcasting for around 2 years na po, (nahiya tuloy ako sa kanya dahil ang Kuya Tsong ay 6 na buwan palang as podcaster).  Bueno, let us not waste this precious moment. So without further ado, here is my conversation with Janet Lucero, alias DJ B…Enjoy and as they say in Japan…Yoroshiku Onengai shimasu….

Well, ako ang inyong Kuya Tsong, ang mikropono ng mga OFWs para sa mga kapwa OFWs at OFW aspirants. At sa oras na ito, excited po ako sa ating OFW guest na si Marissa Villaroza. Iiksian ko lang aking pasakalye, dahil tiyak na magugustuhan ninyo ang aking heart to heart conversation with Mariz.  Sa totoo lamang po, di ko nais na makita or marinig maiyak ang aking guest kaya, paminsan minsan ay iniiba ko ang usapan during the interview.  Ngunit sa interview na ito, makailan beses lumuha, tumawa, nalungkot, nag-sorry ang ating guest na si Mariz.  Ako man, pilit kong kinukontrol ang aking emotion dahil habang kami ay nag-uusap, di maiwasan na malungkot at magmalasakit sa sinapit ng ating ka-tsong na si Mariz.  Kung kayo ay OFW at nagrereklamo sa hirap ng buhay ngayon…wait until you hear this story, tsaka kayo magreklamo.  So, plug in your earphones o headphone and be ready for an emotional roller coaster ride as Mariz Villaroza talks about her journey as OFW in Taiwan. So lets get it on…..

At sa tanong na yan, nais kong buksan ang ating, OFW on AIR Podcast show.  Welcome po sa mga ka-tsong natin from the entire universe.  Alam nyo naman, na kahit siguro saan sulok ng mundo…ay may Pinoy.  Kung may spaceship lang siguro sa planetang mars, at mura lang ang placement fee, di na ako magtataka na dadayuhin rin ng ating mga ka-tsokaran ang planetang yan.  Lalo na siguro kung may internet connection at may facebook, naku…walang duda, iba ang Pinoy!  Ako nga pala, ang inyong Kuya Tsong, isang Pinoy na nasa Canada na bumabati sa inyo ng magandang morning, afternoon at evening.  At kung hindi maganda ang araw ninyo, well, kalimutan na muna ang problema sa loob ng mahigit isang oras, dahil eto na po ang show ng mga OFWs, na inaabangan ng maraming OFWs at higit sa lahat ng mga aspiring o nagbabalak na maging OFWs.

So, ano nga ba itong bagay na ito na mahirap at matagal makuha, ngunit pagnakuha at hindi mo inalagaan, saglit lang ay mawawala na at mahirap na makuha muli? Pera ba ka mo? Well, in some ways parang pera…dahil mahirap yata ang kumita…Ilang oras kang magtratrabaho, minsan napapagalitan at ang dating ng sweldo ay kinsenas or buwanan lang.  At kapag nakuha naman ay sa pambayad ng upa sa bahay, sa kuryente, sa load, sa tubig at iba pa…isang sandali lang wala na.  Pero magtrabaho ka lang muli, magkakaroon ka ulit ng pera.

So ano nga ba itong bagay na ito na mahirap makuha ngunit kapag nawala ay mahirap na makuha muli.  Ang aking tinutukoy dito ay ang salitang Tiwala o Trust. Ang bawat relationship ay nagsisimula sa wala…walang tiwala…ngunit sa pagdaan ng panahon, ang tiwala na ito ay dapat na lumago at umusbong.  Para sa karamihan ng ating mga ka-tsong na OFWs, ang pakiwari nila ay basta masipag lang sila, ayos na ito bilang isang manggagawa sa ibang bansa. Hindi po masama ang stratehiyang ito lalo na kung kayo ay factory worker na per piece ang basehan ng sweldo. Ngunit hindi sa lahat ng bagay ay nakukuha sa sipag at tiwaga.  Kailangan ay makuha mo ang tiwala ng iyong amo.  'Wag lang sipag ang gamitin, kailangan din ng diskarte upang makuha mo ang tiwala ng iyong bosing.  Pag-aralan mo ang galaw ng iyong boss, kung ano ang gusto at ayaw niya upang mapalapit ang loob niya sa yo.  Syempre dapat ay nasa tamang konteksto kayo sa inyong mga galaw dahil baka iba ang dating sa kanila.  Trust is the foundation in any relationship, sa personal na buhay man o sa trabaho.  Habang ikaw ay nagtatrabaho, you are in a employer-employee relationship kaya mahalaga na ma-establish nyo na kayo ay isang taong mapagkakatiwalaan.

Ang ating guest for this episode ay isang mother na ngayon ay nasa Amman, Jordan.  Pakinggan ninyo ang kanyang salaysay na kung saan ay sinusubukan sya ng amo upang malaman kung sya ba ay mapagkakatiwalaan.  Narito po si Zaideh Terwel sa kanya kwento ng buhay OFW.  Enjoy!

Ito po ang inyong Kuya Tsong na ganadong-ganado na naman na sumasahimpapawid dahil alam kong inaabangan ninyo ang podcast show na ito.  Di ba sabi ko naman sa inyo, this is a habit forming program kaya babalik balikan ninyo ang boses ng ating mga ka-tsong from all over the world dito sa OFW on AIR podcast.  Wag kayong mag alala, susulitin natin ang oras ninyo dahil sa marami kayong aral na matutuhan dito.

Noong April 16, nakatanggap ako ng email mula kay John Abad Estimo, isang binata na laking probinsiyano na ngayon ay nakikipagsapalaran sa Manila at pinupuntirya niya na maging factory worker sa Taiwan bilang panimulang hakbang.  I love the way John describe our show and I quote “Big thanks sa OFWonAir, nagkaroon ako ng idea, at kung idedescribe ko para siyang empty jar na napunuuan ng maraming candies and counting dahil sa aral..”  Wow, ang sarap naman pakinggan…It is supercalifragilisticexpialidocious! Sa Tagalog, nakakamangha at nakakataba ng puso!  Maraming salamat John Abad Estimo sa pagsulat at gaya nga nang isinagot ko sayo sa email, Pag-igihan mo ang paghahanda para di ka uuwing talunan.  Ika nga … failure to plan is planning for failure.

Ganyan di ang hamon ng tadhana para sa ating mga nagsipagtapos sa taong ito.  Marahil, marami sa mga bagong graduate ay nagse-celebrate muna ngayon dahil well, they deserved it.  Hindi yata biro ang makapasa sa mga exams, makasagot sa recitation, makagawa ng thesis at magpuyat sa pag-aaral.  Ang mahirap pa nito nagawa mo ang makapasa sa sariling pagsisikap dahil ang iyong ama, o ina o kapatid ay nasa abroad at nagbabanat ng buto.  Sana sa iyong pagsasaya, ay maalala mo ang iyong mga OFWs na magulang.  Isa sa pinaka malimit na dahilan kung bakit umaalis ang inyong kapamilya upang magtrabaho sa ibang bansa ay para kayo ay mabigyan ng pagkakataon sa buhay thru education.  Ilan na ang aking na-interview sa podcast na ito ang ganito ang pangarap…ang makapagpatapos ng anak.  Kaya isang payo sa ating mga bagong graduates, ialay ang natanggap na diploma sa inyong mga magulang at sabihin ninyo sa kanila ang pinaka matamis na salita sa dictionaryo…maraming salamat po!

At gaya ng isang nagmamahal na ina, ang 4 na anak ang dahilan kung bakit nagtitiis si Annaliza Fetil sa kanyang trabaho bilang caregiver sa Israel.  4 na anak, 4 na dahilan…hehe.  Nakapagtapos na po ang 3 kaya down to the last 1 at mag-iimpake na rin ang ating ka-tsong na si Ann upang sa una’t huling pagkakakataon, siya na ang aakyat sa entablado sa graduation ng kanyang bunso.  Oh, sundan na natin ang buhay ni Ann dito sa interview portion.   Enjoy!

Magandang araw po sa inyong lahat, sa ating mga ka-tsong na OFWs, sana ay nasa mabuti kayong kalagayan.  At sa ating mga ka-tsong na nagbabalak palang magtrabaho sa abroad, patuloy lang po sa pakikinig sa ating nakakawiling programa na ito upang mapaghandaan ninyo ang hamon na dala ng pagiging OFW.  Ito nga pala ang inyong Kuya Tsong, na nagpapasalamat sa ating mga nakikinig lalung lalo na sa mga nagla-likes, sumusulat at nagkukumento sa ating website at facebook.

Para sa episode na ito, tingnan naman natin ang mapagkumbaba na mga langgam.  Napapansin nyo ba ang mga langgam?  Bihira nyo silang makitang nag-iisa, sama-sama sila at tulong tulong na naghahanap ng pagkain para sa reyna nila.

Likas sa mga langgam ang pakikisama sa kanilang community.  Ang tawag sa kanilang barangay ay colony.  Very focus po ang mga langgam sa kanilang reyna kaya sila ay natratrabaho ng mabuti upang siguraduhin na busog ang reyna at patuloy sa pagpapalago ng kanilang lahi.  Nakakabilib ang kanilang paraan ng communication dahil, subukan mong harangan ang kanilang pila, mga ilang sandali lang ay may bagong linya na sila.  Pagmasdan mo pag nagsasalubong ang dalawang langgam, parang may sinasabi kung nasaan ang pagkain.  Masisipag rin sila at maayos sa pagganap sa kanilang tungkulin.  Ang worker ant ay maghapon sa pagtrabaho samantalang ang soldier ant ay laging nakabantay sa bahay at handang ibuwis ang buhay kung may manggugulo sa kanila.  Sila ay laging nag-iimbak ng pagkain sa tag-init para sa pagsapit ng tag-ulan ay di sila magugutom.  Di tulad ng tipaklong, palaro-laro sa tag-init, good time to the max, hindi marunong mag-ipon kaya hirap pagsapit ng tag-ulan.  Alam ng mga langgam na pabago bago ang panahon kaya lagi silang naghahanda.  Ang galing nila ano, alam nila na may deadline sila kaya masinop sa pagtratrabaho at pag-iipon.

Siguro naman, alam na ninyo kung saan patungo ang ating usapan.  Itanong natin sa ating sarili… ako ba ay langgam o isang tipaklong?  Kung ikaw ay langgam, congratulations sa yo at ipagpatuloy mo yan.  Kung ang tingin mo ay parang laro at di ka seryoso sa iyong trabaho, kaliwa’t kanan ang pagbili ng mga gadget kapag nakatanggap ng sweldo at mangungutang sa kaibigan kapag may emergency…siguro kaibigan…kausapin mo muna ang sarili mo sa salamin.  Kausapin mo sya nang maigi at baguhin na ang istilo mo.  Ayusin mo na ang buhay mo.  Para sa mga ka-tsong na parang tipaklong umasta, tandaan na may deadline din kayo.  After nang end of contract, ano na?  At para naman sa mga naiwan sa Pilipinas na ang asawa or magulang ay nasa abroad, maging masinop sa paghawak ng perang padala mula sa Saudi o Hongkong o Taiwan.  Magtipid para sa pagdating ng asawa o ng magulang mula sa abroad, may pera kayo na pansimula sa negosyo o sa anumang pangangailangan.

At itong makakausap natin sa interview portion ay siguradong isang langgam, madiskarteng langgam.  Very proactive po sya, nagsimula bilang isang machine operator dito sa Canada at ngayon ay isang Financial Adviser na.  Bueno, kalampagin na natin ang ere para mas marami tayong matutunan sa kanya.  Narito po si Gil Padernal Jr, ng Edmonton, Alberta, Canada.  Enjoy eh!

Gaya nga po ng nabanggit ko sa intro, ang ating guest for this episode ay sa Taiwan nakadestino.  Geographically, ito ay napapaligiran ng China sa kaliwa, Japan sa itaas, Dagat Pacifico sa kanan at Philippines sa ibaba.  Kaya malapit lang ang Pinas sa Taiwan…1 hour and 56 mins o isakto na natin sa 2 oras, Parang biyaheng Quezon City circle papuntang Picnic Grove sa Tagaytay!  Alam nyo rin ba na ang hugis ng Taiwan ay parang sweet potato kaya mababasa sa literature ng mga Taiwanese na sila ay tinatawag na children of sweet potato.  Some fun facts about Taiwan, they have 7-11 convenient stores in every corner.  They have the highest ratio of 7-11 per person in the world. Taiwanese are super hardworking people kaya yun mga nasa factories, medyo expect ninyo ang lupit ng mga supervisor ninyo.  Ewan ko kung totoo ito, pero wala ka raw makikitang trash can sa labas ng daan o sa mga park.  At kung mahilig kayo sa music, astig ang Taiwan sa larangan ng Saxophones, kabilang ito sa mga tatak na kilala ng marami. Sa isang bayan na kung tawagin ay Houli, sa taas ng Taichung County, naroon matatagpuan ang world’s finest saxophones maker na na-perfect ang paggawa from generation to generation.  Kaya next time you hear your favorite Jazz saxophonist, chances are they are using a Sax na galing sa Taiwan. At syempre, pag dating sa electronics, ay hindi matatawarang ang Taiwan.  Narito yata ang ASUS, ang gumagawa ng computers at laptop, ang Dlink, makers of network components, Foxconn, ang gumagawa ng electronic boards para sa Iphone, Ipad, blackberry at android phones.  Dahil dito, malaki ang demand para sa mga factory workers dito sa Taiwan. Ayon nga sa POEA data, ang Taiwan ay pang 7 na lugar na pinupuntahan na ating mga kababayan upang magtrabaho.  Kung ang taong 2014 ang pagbabatayan, ang average na umaalis papuntang Taiwan ay 161 OFWs per day na kung ating susumahin ay may kabuuang bilang na 58,681 sa buong taon ng 2014. Maraming po talagang umalis papuntang Taiwan at karamihan ay mga caregiver, kasambahay at factory workers.

At isa sa mga factory workers na napadpad sa Taiwan itong si Ronald Tila.  Si Ron ay isang marketing graduate turned machine operator sa isang electronic company sa Taiwan.  Nakilala ko po si Ron thru a website na aking nabasa at sinuwerte po tayo na pagbigyan ni Ron para sa isang masaya at malaman na huntanan.  Narito po ang ating ka-tsong na si Ron Tila…Enjoy!

Noong Dec. 2015, gumawa ng survey ang SWS at pinulsuhan ang ating mga kababayan kung ano ang kanilang opinion sa Long Distance Relationship (LDR).  Ito ay ginawa nationwide kabilang ang 1,200 adult na ang edad ay 18 pataas. According to survey, 67% ay naniniwala sa long distance relationships.  Mas maraming may asawa ang naniniwala dito kaysa mga single.  Ang pinakamababa ay ang may live-in partners.  Ayon pa rin sa data, 43% of 1,200 o katumbas ng 536 ang sumali sa survey ang nakaranas na ng LDR.  Tungkol naman sa tanong na kung happy ba sila sa kanilang lovelife, 51% sa kanila ang nagsabi na happy sila, 11% ang nagsabing, hindi sila masaya at 38% ang nagsabing they could be happier with their love life.

Sa aking opinyon, base po sa mga na-interview ko na, parang natataasan ako sa 67% na naniniwala sa LDR.  Kayo po ba ay naniniwala rito?  Iba ang sinasabi ng mga ka-tsong na aking nainterview na.  Of course, tayong mga Pinoy ay hopeless romantic kaya gusto nating maniwala kahit iba ang ating nakikita.  By the way, ang survey po ay isang makabagong paraan ng pagkuha ng pulso ng bayan.  Ano man ang numero, hindi po ibig sabihin nito ay okay na tayo.  I guess ang mensahe rito ay, kung ikaw ay hindi naniniwala sa Long Distance Relationship, wag na po ninyong ilagay ang inyong sarili sa kapahamakan.  Kung mag-aabroad kayo, pag-usapan ninyong mag-asawa ito, magtiwala, palaging mag-usap, lumayo sa tukso upang sa pagbabalik ninyo it will be a happy ending.

Bueno, ang ating makakausap sa interview ay isang OFW na nakapag-asawa ng isang Israelita. First time po ito sa OFW on AIR.  Nagsimulang caregiver, nasawi sa pag-ibig at nahiwalay sa asawa sa Pilipinas.  Ngayon, siya ay sekretarya sa isang construction equipment firm at nahanap na po niya ang langit dito sa lupa.  Di ko na po patatagalin…narito na po si Imelda Salinas Shaked.  Enjoy!

Oo nga pala, nais ko lang pong pasalamatan at batiin si Dj B for inviting me into her show na ang pamagat ay “Raydio Filipino” last Feb 24. Ang kanyang tunay na pangalan po ay Janet Lucero at isa siyang OFW sa Japan.  Ang totoo nito, ako ang unang nag-imbita sa kanya para ma-interview po natin dito ngunit, nauna pa ako na lumabas sa kanyang show.  Kakatuwa po kasi mga 10 to 15 minutes before her show, nakareceive po ako ng message sa kanya at ayun, ako pala ay sasalang na sa kanyang popular na musical/kuru-kuro na internet program.  Hehe, akala ko ay nenerbyusin ako pero buti na lang hindi. I think nakatulong yung, salang at salpak ka kaagad sa show at walang prepare-prepare.  Of course, I took the chance to promote our podcast and for that reason alone, thank you very much Dj B for the chance to be interviewed live.  Kaya abangan ninyo ang kwento ni Dj B dito sa OFW on AIR.  Ating bubusisiin ang kanyang buhay at malasakit sa ating mga ka-tsong na OFWs.  Dj B, wag mong kakalimutan ang pangako mo sa ating OFW on Air community ha!  Haha, ngayon, di na sya makakatanggi.  Well, busy kasing tao si Dj B at hanggang ngayon ay naghahanap pa rin kami ng kanyang freetime.  Anyway, abangan!

Bueno, on with our regular programming.  Next portion is our interview with an OFW in Saudi Arabia.  Naku, parang neneng pinabili lang ng suka sa kanto at pagkatapos ay nakaabot na ang ating featured OFW guest sa Saudi Arabia.  Maagang nag-asawa itong si MaryAnn Feliciano at maaga ring namulat sa katotohan na kailangan niyang mag-abroad upang maitaguyod ang kanyang pamilya.  Hanga ako kay Maryann, dahil ang tibay ng kanyang pananampalataya sa Diyos.  Papano kasi, lumaking may takot sa Diyos at kinagisnan ang buhay ng kanyang Ama na isang Pastor.  Ang gaan-gaan ng feeling ko ng matapos ang interview na ito kaya, if you want to be happy….pakinggan ninyo ang interview ni Maryann Feliciano…Enjoy!

Hindi pwedeng matapos ang buwan ng Pebrero nang hindi natin napapag-usapan ang …”Pag-ibig”.  At kapag pag-ibig ang topic, syempre, pumapasok sa akin ang sikat na punchline ni Gat Francisco Balagtas sa kanyang klasik na Epic na “Florante at Laura” at it goes like this….

O Pag-ibig na makapangyarihan,
pag ikaw ay nasok sa puso ninuman,
hahamakin ang lahat,
masunod ka lamang.

Naalala ko tuloy ang kabataan ko na kung saan narinig ko ang kanto boy version nito.

Pagsintang nilalangit,
Nilalangaw pati puwit!
Oh sa ganda mo’y ako’y samba,
Sa utot mo’y ako’y tumba!

Di ko malimutan ito kasi, kasama rin ako sa mga kanto boys eh, hehe…Pasensya na sa pagpapatawa, kasi naman napaka-sensitibo na paksa itong pag-ibig lalo na sa konteksto ng mga ka-tsong natin na OFWs.  Kung susuriin natin ito ng maigi, nakakalito, nakakaloko at kung minsan nga ay parang may mali ang ating nakikita sa ating lipunan. Papano ba maiintindihan ng isang anak o kabataan na mahal na mahal sila ng Nanay o Tatay kaya wala sila sa tabi nila, nasa abroad at nagtratrabaho?  Kung makakakita sila ng isang pamilyang buo sa park o sa mall, di ba nila ihahambing ang closeness ng pamilyang ito sa kanya na siya lang ang mag-isa sa bahay kasama ang lola or tita? This reminded me of the interview of His Holiness Cardinal Luis Tagle last 2014.  Di ko malimutan ito, kasi ang ganda ng kanya pagpapaliwanag sa nangyayari sa ibang pamilya sa ating bayan.  Ang sabi niya ay ang ilan sa ating mga pamilya ay nagkakawatak watak, hindi dahil galit sa isa’t-isa, hindi dahil sa hindi nila gusto ang isa’t-isa, hindi dahil sa hindi na sila nag-uusap-usap, kung hindi dahil sa mahal na mahal nila ang isa’t isa kaya tinitiis ang pagwalay sa piling ng mahal sa buhay.  Ang sakit!

Masakit tanggapin ang sinabi ng cardinal pero yan ang realidad.  Idinugtong pa niya na dahil sa sobrang kahirapan, tanggap na ng iba sa atin na ang pag-lisan sa mahal sa buhay ang isa sa pinakamabisang paraan ng expression ng pag-ibig sa pamilya, sa anak. Ang airport nga raw, na dati ay masayang tagpuan ngayon ay ‘traumatic place to be’ gawa ng makikita ninyo rito ang kalungkutan na kung saan humahakbang ang Ina na lumuluha habang kumakaway ang asawa at anak na luhaan rin.

So, may mag-que-question pa ba, bakit tinawag na bagong bayani ang mga OFWs?  Ang laki ng sakrispiyo at puhunan, di ba?

Sa mga interessado, ito po ang video interview ng Cardinal tungkol sa pamilyang Pilipino nuon 2014 ->https://www.facebook.com/CatholicNewsService/videos/10152326617155723/

Well, folks, we started with a poem, a joke and now the mood is very serious.  Kaya para maiba ang mood, change topic tayo.  Pakinggan ang ating ka-tsong na nagsimulang manilbihan sa HongKong at nang nakapag-ipon ay bumalik sa Pilipinas at nagnegosyo ng ukay-ukay!  Hmmm, which brings fun memory for me.  Anyway, narito po ang ating kaibigan na si Venus Vicente, na ngayon ay caregiver sa Israel.  Enjoy!

I do encourage you to listen to our episodes.   Ang bawat episode ay larawan ng isang ka-tsong natin na dumaan sa matinding pagsubok at bagama’t ngayon ay umaayos na ang lagay…ay patuloy pa rin sa pag-ikot ng kanilang mundong ginagalawan.  Ang iba ay nakabalik na sa Pilipinas gaya ni Shawie ng episode 11, samantalang si MJ naman ay nakauwi na at bumalik na ulit sa Oman upang masuportahan ang mga anak at ina na may sakit.  Si MJ nga pala ay nasa episode 4. Lahat po para sa akin ay may kanya kanyang kinang, may sariling mensahe, bagamat ang iba ay may pagkakahawig hawig din. Halos lahat ay iisa ang dahilan ng paglisan sa kanilang mahal sa buhay.  At hindi naiiba ang ating makakapanayam ngayon na dating isang guro sa Private School sa atin.  Kakikitaan po ng dunong at linaw ng pag-iisip at higit sa lahat ay may malakas na pananampalataya at pananalig sa Diyos and ating featured OFW guest na si Jay.  Ang nagustuhan ko sa interview na ito ay parang kaibigan lang natin siya na nangungusap kaya tama na itong aking buladas… para di masayang ang ating gintong oras…Lets all welcome Teacher noon na ngayon ay care giver sa israel, Teacher Jacinto "Jay" Falla.  Enjoy!

Katulad din ng Hudyong aking nakausap, hindi rin naging mahirap makapanayam ang ating featured OFW guest na isang UP Graduate na si Kathleen.  Of course, excited na excited akong makausap siya gawa ng, ito ang kauna-unahang interview natin sa isang OFW na nasa New Zealand.  Alam nyo po naman siguro na isa sa layunin ng OFW on AIR podcast ay maipakita at maipaalam sa ating mga kababayan, ofw aspirants or ofw veterans ang iba't ibang bansa as an alternative place of work.  Hindi lang po Gitnang Silangan o sa Hong Kong mayroon pagkakataon….lalo na sa isang professional … maraming pintuan na maaring buksan sa pagtupad ng inyong pangarap na magtrabaho sa abroad.  At ito nga, ang New Zealand na isang bansa na kilala sa kanyang natural na kagandahan.  Kitang kita ang laki at lawak ng mga bundok nito na kung saan kinunan ang sikat na pelikulang The Lord of the Rings.   Dito ang salitang Kiwi ay hindi lang nakalaan sa prutas, kundi ito rin ang tawag sa mga taong naninirang sa New Zealand or NZ for short.  Kung tayo ay tinatawag na Pilipino sa Philippines, KIwi naman ang tawag sa mga taga New Zealand.  Si Queen Elizabeth II ng UK ang tumatayong reyna dito sa NZ dahil ang NZ ay naging under the British colony noong 18th century.  Idadag ko na rin na ang NZ ay isa lamang sa 3 bansa na kung sana ay mayroon silang 2 National Anthems. Interesting ano po.  Well, the other 2 countries na may 2 National Anthems ay ang bansang Denmark at Canada.

Nakakatuwa itong interview na ito dahil ang OFW adventure ni Kathleen ay nagsimula sa Singapore hanggang sa makarating siya sa NZ.  Ang kainaman nito, sa bawat hakbang niya ay kasama at katulong niya ang kanyang asawa sa pagkamit ng kanilang pangarap.  Nagustuhan ko rin na habang bata pa at wala pa silang anak, naisipan na agad nila ang mag-abroad.   So, mainit na po ang mantika…kaya simulan na natin ang paggisa…narito po si Kathleen Santiago ng NZ. Enjoy!

Ako nga pala ang inyong Kuya Tsong, na may dugong Chinese rin.  Kaso, hindi ako marunong magsalita ng Chinese! Tsk, tsk..., noong bata pa ako, okay lang ito kaso ngayon na ako’y (may edad na!) nahinog na ng panahon …medyo nanghihinayang na rin. Iba rin pala pag marami kang alam na lenguahe, mas maraming opportunity.  In fact, kung kayo ay mestizo or mestiza or nakapag-aral ng ibang lenguahe, mas maigi na tingnan ninyo ang mga bansa na kung saan ay magagamit ninyo ang iyong kaalaman na language.  Malaking bagay kasi ito.  Ika nga kasabihan na “When in Rome, Do what to Romans do” Ang original na kasabihan na ito ay ““if you should be in Rome, live in the Roman manner; if you should be elsewhere, live as they do there”; which is attributed to St Ambrose, na naging bishop sa Milan, Italy noon 4th Century.  Living in a new community means interacting with people around you…at dito papasok ang halaga nag communication.  Halos lahat ng aspeto ng iyong buhay ay nakasalalay sa abilidad mong makipag-usap.   Papaano ka maiintindihan kung di mo maitawid ang nilalaman ng isip mo.  Papaano ka tatanggi, kung di ka maayos humindi.  Papaano mo mapaparating ang gusto mo, kung di mo masabi sa lenguahe na naiintindihan ng kausap mo.

Pagdating sa pakikisama, ang pinoy na yata ang pinakamahusay dito. Masipag tayo at marunong tayong magbasa ng isip ng iba. Ngunit pag ang lenguahe ang na master ninyo, maiiba ang pagtingin sa inyo. Mas magaan ang palitan ng kuro-kuro at higit sa lahat…mag-eenjoy ka sa buhay OFW, dahil naiintindihan mo na ang usapan.  Imagine, nanonood ka rin ng teleserye sa lenguahe nila.  Oh di tagal ang homesick!

Bueno, sa ating interview portion, aking nakausap ang isang guro.  Ibang mangusap itong si Donabel.  Tagos sa puso kasi galing sa puso.  I don’t want to take away the brilliance of our conversation and just let the interview speaks value by itself.  Without further ado, we have Teacher Donabel Lopez to move us and inspire us with her journey to Singapore.  Enjoy!

At sa pagpapatuloy ng ating bidahan, nais kong i-share sa inyo ang isang quotation na bumuhay ng aking isipan habang ako ay nakikinig sa speech sa University ng aking anak na si Kobin.  Si Kobin ay natanggap sa kursong Pharmacy, because of this, we were invited to attend the White Coat Ceremony of his class.  Ito po ay isang ceremony para i-welcome ang mga bagong estudyante sa Universidad na kung saan ang keynote speaker  ay nagpahayag ng ganito ” …. In this profession and in all aspects of life….it is either you “Do or Do not…There is no try”.  Uulitin ko lang po ang sabi nya  … “Do or Do not…there is no try”!  To those who are Star Wars fans, ang quotation na ito ay nagmula kay Yoda, isang legendary Jedi Master, who despite of small size is powerful and wise.  Do or Do not there is no try.

What an appropriate words of encouragement.  When I heard it from the speaker, I immediately wrote it on my phone as a reminder to share this message to you our OFW on AIR listener.   Such a short message to give but one that is loaded with values which you can carry through life.  If you need to stop from listening to the show, you can stop NOW but remember this power quote…Do or Do not, there is no try.

Do or do not, there is no try means focus and live the moment.  Kung kayo ay magtratrabaho sa abroad at sasabihin lang ninyo na susubukan lang ninyo para malaman, you are doing it for the wrong reason.  Kalimutan na ninyo ang pangarap na maging OFW kung ganyan ang pananaw ninyo.  Kung talagang desidido kang maglayag, give your 100 and 1 percent focus and effort and make it work!  Wag yung ugaling bahala na si Batman.  Pag nasa abroad ka na, give it your best shot at gawin lahat ng kaya ninyo to make it work.  Ang sabi mo, ay nais mong guminhawa ang pamilya mo kaya ikaw ay nagtitiis na mawalay sa pamilya.  Pero pag kinalabit ka ni tanim, ay mabilis ka pa sa Philippine Airlines.  Daming kalukohan ang ginagawa at nalimutan na ang dahilan kung bakit nasa abroad.  We all have our weaknesses, but we can always change.  Di tayo perpekto pero kaya pa rin nating magbago.  At kung sakali man na hindi naging matagumpay ang sinapit natin sa ibang bansa, at least maipagmamalaki ninyo na you gave it all.

And on that note, I would like to introduce an engineer noong nasa Pilipinas pa lang siya at patuloy na naglilingkod bilang engineer sa isang company sa Saudi Arabia.  Anak ng isang OFW ngunit hindi lang kahirapan ang tanging dahilan ng kanyang desisyon na sumama sa kanyang ama at sumugal sa bansa na mga Arabo.  Okay, relax na po tayo at buksan ang isipan and be inspired by Engineer Franco Caragay!  Enjoy!

Isang araw lang pagkatapos ng bagong taon, ay nabalita na ibinitay ang Sheikh si Nimr al-Nimr sa bansang Saudi Arabia.  Iginagalit ito ng mga Iranians kaya sinugod nila ang Saudi Embassy sa Iran bilang ganti sa pagbitay.  Sumunod dito ay pinutol na rin ng Bahrain at Sudan ang kanilang diplomatic relationship with Iran. Nagsara na rin ng embassy ang Kuwait sa Iran at ang UAE ay nagdowngrade na ng kanilang diplomacy status with Iran.  Marami artikulo sa internet ang mababasa kung gusto ninyong malaman ang pinag ugatan ng alitan na ang sabi ay may kinalaman rin ang tungkol sa religion…the difference between Sunnis (KSA) at Shia (Iran).  Sa bangayan na ito, ang mga numerong ito ang aking nasalitsik from bbc news.

Ang nais kung puntuhan ay hindi ang tungkol sa dalawang bansa na ito kung hindi an gating mga kababayan na nasa gitna ng nag-uumbugan na bato.  Per record ng Departmet of Foreign Affair mayroon mga 2.2M na Filipino ang nasa gitnaan silangan.  May 800k documented OFWs sa Saudi Arabi at mayron 4k sa Iran.  Malaki ang tatamaan paghindi na sukol ang tension na ito.  Kung kayo ang nasa lugar na ito, ano ba ang dapat gawin.  Ang advice ng mga kinauukulan ay wag makialam sa usapin Saudi at Iran.  I know this easier said than done.  Iwasan na lang po ninyo ang mag bigay ng opinion para wala kayong matapakan.  Ang pinakamahalaga na maaari ninyong gawin ay magmasid sa situation at simulan na ninyong kunin ang mga contact info ng ating embassy or consulate.  Kung makakatawag kayo sa kanila ay mas mabuti para kung may action ang ating embassy ay alam nila kung papano ka kokontakin.  So mga ka-tsong, ingat kayo ha.

Well, ito na rin sana ang magandang pagkakataon ng ating gobyerno na magpakita ng kanilang kahandaan sa kaguluhan sa Middle East.  According kay Secretary Coloma Jr ay, ready naman daw sila dahil nagkaroon na rin naman ang pagsasanay ang ating governor noon isang taon sa Egypt and Libya.  Lets give them the benefit of the doubt.  Ayokong subukan ang kakayahan ang ating gobyerno.  Mahirap na, especially ang historical record ng ating government ang pag-uusapan.  O diyos ko, may the tension in the middle east subside for the good of everyone.

Pasensya na sa bigat ng ating commentary sa episode na ito.  Di maiwasan, at mahirap naman kasi magbulagbulagan sa current events.  Well, para gumaan ang ating mood, lets talk to a Davauena who has been very popular sa kanyang grupo na Kabisig.   Isang avid fan ni Duterte ang ating guest, magtataka ka pa ba?  She considers herself lucky with her employer thus she has worked with them for 9 years.  Bagamat siya ay nagtratrabaho sa Hongkong, isa ay admin member ng Gitnang Silangan Kabisig Organization at tumutulong sa mga distressed OFW sa Middle East.  So folks, let’s listen to my interview with a morena beauty na ang husay makisama…Mercylyn Alfaro.  Enjoy!

In case you don’t notice, may pattern po ang bawat yugto ng ating buhay and for some years, ito ay paulit ulit lang.  Syempre pag-grumaduate na ang mga bata, lalo na kung makatapos na ng college ay iyan na siguro ang pinakahihintay ng marami sa ating mga ka-tsong na OFW. Pag ito ang nangyari, ibang cycle na naman po.  Well, hindi po graduation ang nais kong puntuhan sa aking komentaryo ngayon.  Gusto ko lang idiin at namnamin natin na mayroon pong tinatawag na “life cycle”.  At kung kayo ay isang OFW aspirant o maging beteranong OFW na, malaki ang inyong magagawang paghahanda kung inyong aalamin at iintidihin ang life cycle ng inyong iiwanang pamilya.

Example…kung alam ninyo na sa tuwing Hunyo ay pasukan, eh ilang buwan bago mag June ay paghandaan o pag-ipunan na ninyo ang pagkakagastusan na ito.  Kung alam ninyo na sa tuwing Enero ay may posibilidad na tumaas ang renta ng bahay na inuupahan ninyo ay kumpyutin na ninyo ang epekto ng pagtaas sa ipon ninyo.  Ang punto ko lang po, lalong lalo na para sa mga nagbabalak na mag-abroad…dapat, pag kayo ay mag-iisip kung aalis o hindi, kailangang kumpyutin ninyo ang expenses sa loob ng isang taon kung ito ba ay kayang i-cover or saluhin ng inyong sweldo. Dahil kung hindi, wag na po tayong mag lukohan.  Mag mabuti pa ay humanap ka ng ibang paraan, trabaho o diskarte.  Kung gusto pa rin ituloy ang pag-aabroad, kailangan ay magtrabaho ang asawa o kamag-anak para pagtulungan ang gastusin.

Bueno, sa episode na ito, ang ating makakapanayam ay isang OFW na may ginintuang puso na nasa Israel.  Sya po ay caregiver by profession and a volunteer par-excellence by choice dahil siya ay tumutulong sa ating mga OFWs sa Israel.  Let me say it with all sincerity, si Edgar Aragones ay isang kababayan na ating maipag-mamalaki dahil hindi lang po sa mga kapwa OFWs sya tumutulong kundi pati na rin sa mga biktima ng kalamidad sa Pilipinas thru his organization called OFW in Israel Foundation.  I am so at ease with Edgar, parang pakiramdam ko ay nahanap ko ang aking matagal na nawawalang kaibigan!  Napaka humble po ng taong ito and there is so much to learn from our conversation.  Dito sa interview ay makikita ninyo ang halaga ng suporta ng mga kamag-anak sa Pilipinas upang maging successful ang isang OFW.  Ang pagiging OFW ay di lamang para sa taong umaalis sa abroad bagkus, pati ang kanyang pamilya ay kailangang mag-adjust at mamuhay bilang isang pamilyang may OFW. Di lang po ang OFW ang nangungulila,  ang mga naiwan niya ay nangungulila din.   Akala nyo ba na hindi nalulungkot ang mga naiwan sa Pinas?  Sila rin ay may mga problema na kinakaharap kaya kung kayo ay OFW, wag ninyong sabihin na bayani kayo.  Ang mga taong nasa likod ninyo ay bayani rin.  Ang asawa ninyo na nag-alaga sa inyong mga anak, nagkukumpuni ng inyong tirahan, pinagkakasya ang pera, nagtatrabaho or umiekstra pa,  ay may kontribusyon din sa inyong buhay. Irecognize po ninyo mga OFW, na kahit papaano ay hindi ninyo magagawang maglayag sa ibang bansa kung walang suporta sa kanila.  It takes two to tango, ika nga!  Sorry ha sa aking mga ka-tsong na OFW, bato bato sa langit…ang tamaan ay wag sanang magdamdam. Pag-isipan nyo po ito ho!

Okidoki, lets hear it from the man behind the OFW in Israel Foundation,  Mr Edgar Aragones.  Enjoy!

Ang interview po ay may kahabaan at malaman.  Ito ay kwento ng tagumpay, kwento ng isang OFW na pursigido na magbago ang buhay.  Kwento na sa dinami dami ng mga kamalasan sa buhay ay hindi pa rin ito naging hadlang upang muling bumangon sa lumulubog na kumunoy ng kahirapan.  Parang pelikula ang takbo ang buhay ng ating guest, kaya very inspiring.  Kaya kung ako sa inyo, simulan niyo ang pakikinig habang nasa biyahe, o namamalantsa o nag-eexercise.  Ito na po ang buhay OFW ni Nancy Galazo, isang House service worker ng Norway. Enjoy!

Sa pagtatapos ng ating episode 14, nais ko lang po na paalalahanan ang ating mga ka-tsong na nasa mga bansang Saudi Arabia at Iran na konting pag-iingat po dahil sa lumalalang tension sa dalawang bansang ito.  Kung magagawa po ninyong makaiwas at iwasan muna ang paglabas labas.  Ayon sa ating pamahalaan, normal pa naman po ang sitwasyon ngayon diyan ngunit sa napapanood ko sa CNN, lalong umiinit ang bangayan ng dalawang bansa na ito dahil sa nangyaring pagbitay sa isang religious figure na si Nimr Al-Nimr.  Dasal ko po ang inyong kaligtasan mga ka-tsong.

Maraming salamat muli sa inyong pakikinig at imbitahan po ninyo ang inyong mga kamag-anakan at mga kaibigan na makinig sa ating programa na OFW on AIR.  Para sa mga suggestions o topic na gusto ninyong ating talakayin, sumulat lang po sa email na ofwonair@gmail.com.

Siyempre isa sa pinakamainit na isyu na may kinalaman sa OFW ay ang controversial na desisyon ng bureau of customs na buksan ang mga balikbayan boxes sa kadahilanang nagagamit ang mga ito sa pagpuslit ng contrabando sa Pilipinas.   Parang Pandora box na sumabog sa mukha ng Bureau of Custom at dito nila natikman ang bangis ng batikos at reklamo ng mga bagong bayani dahil para na rin nilang nilahat ang buong OFW community sa kanilang bintang.   Pinakita ng mga OFWs ang lakas ng kanilang boses thru social media at pakaka-isa nang ideklara nilang "No Remittance day" ang August 28, 2015.  Ayun, nataranta ang gobyerno at dahil dito ay pumagitna na si President P-Noy at humingi na rin ng dispensa ang kalihim ng BOC na si Secretary Alberto Lina.  Well, nanalo man ang ating mga kababayan ngunit, nagtagumpay rin ang BOC sa pag-increase ng fees sa mga balikbayan boxes. Hirap talaga kapag ang gobyerno ay walang pakiramdam.

Sa ikalawang yugto ng taong 2015, kumasa naman ang balita ng tanim bala sa NAIA at sa Davao Airport!  Di man pumutok ang bala na ito, ngunit narinig ito di lang ng buong Pilipinas kundi pati ng buong mundo!  Nasa CNN na naman ang Pilipinas bagamat kahiyahiya ang image natin dahil dito.  As expected pinakita ng gobyerno kung gaano sila kamanhid at nangatwiran pa bago umamin na may nangyayari ngang kalokohan sa airport.  Ang nakakainis dito, talo tayong lahat na Pilipino, sa mata ng mundo.

Marami pang nangyari, ang mga bagyo, ang mga trapik ngunit di alam ng karamihan sa atin ay ang mga kaaba abang kalagayan ng ating mga OFW na namaltrato, at nahihirapan sa abroad.  Wala pong kongkreto na number ukol dito ngunit, hindi ko mapagtanto ang mga dumaraming kaso ng mga distressed OFW lalong lalo na sa ME.  Dito man sa Canada ay naging mainit din ang issue ng mga abusadong kompanya sa ating mga Temporay Foreign workers at marami na rin ang pinauwi.  Ito po ang mga balitang di naririnig masyado sa ating bayan ngunit marami sa atin ang naaapektuhan.

On the bright side, sa taon pong ito inilunsad ang ating OFW on AIR program.  Itinatag ang website noon June 12, 2015 (kasabay ng Independence day celebration) at unang nailabas sa iTunes ang podcast noong Oct 7.   Excited po ako sa darating na 2016 at dala dala ko pa rin ang init ng adhikain na makatulong sa aking mga kababayan na nagbabalak mag-abroad.    At syempre, excited rin po ako na makakilala ng ating mga OFWs from all over the world dahil sila ang kasama ko sa aking adhikain na ito.

At tulad ng mga OFWs na aking nainterview, si Racquel ay isng OFW na bukas ang pusong mabigay halimbawa at payo sa ating  mga nakikinig.  Nakailang beses na rin nag-abroad at hanggang ngayon ay patuloy pa ring nakikibaka sa malayong lugar ng KSA.  Mabuti pang dumiretso na tayo sa interview portion ni Raquel Orpilla….enjoy!

At sa ating mga OFWs na ka-tsong, I am sure na napadala na ninyo ang mga handog pamasko sa inyong mga mahal sa buhay sa Pinas.  Kung hindi naman, don’t worry… pwede pa naman humabol… kahit munting bagay… okay naman po.  Don’t fall into that pressure na kailangan, big-time, mahal o branded ang padala.  Huwag ninyong masyadong dibdibin na hindi kayo nakapagbigay ng malaki ngayon pasko.  In fact po, huwag ninyong ubusin ang inyong pera na pinaghirapan ng buong taon para sa Pasko.  Itong panahon ng Pasko ay talagang pinakamahirap na yata sa mga OFWs di lang malungkot, may tendency pa na gumastos ng malaki dahil sa kagustuhang mapasaya ang kanilang pamilya.  Isa lang po ang pakiusap ng inyong kuya Tsong… wag kalimutan na batiin ang inyong pamilya sa Pilipinas at kung maaaring humingi kayo ng dasal sa kanila upang mapagpatuloy ninyo ang inyong trabaho sa abroad ng maayos at ligtas sa anumang kapahamakan.

Para sa OFW at sa kanyang pamilya, wala na sigurong hihigit pa sa regalo na makapagdiwang ng Pasko na buo at sama sama ang pamilya.  Kahit ano pa ang ipadala ng isang OFW sa balikbayan box…wala na sigurong tatalo pa sa sorpresa na dala ng pagsasama ng pamilya sa media noche.  I love the line of Jose Mari Chan’s Christmas song na Perfect Christmas which goes along “my idea of a perfect Christmas…is to spend it with you!”  Pag hindi ka pa naman natunaw sa linya na yan, e bato ka na.

At itong ating featured OFW guest ay masaya ngayon na magcecelebrate ng Pasko with her family sa Pilipinas.  Noon, siya ay aking na interview siya po ay nagtratrabaho bilang isang house service worker sa Riyadh, KSA.  Sa totoo lang po, I was kinda sad going into this interview gawa ng ito ay isang pagsasalarawan ng nangyayari sa ating bansa.  Marami po tayong mga graduates, may tinapos ngunit dahil sa ating economiya…ang mga tao ito ay napipilitan na magtrabaho ng kahit wala sa kanilang linya para lang maitaguyod ang pamilya.   This surely merits another discussion but for now, ito ang kalagayan ng ating guest.  Nakakatuwa itong aking interview sa kanya dahil she felt really very accomplished having been there out in the field and about to finish her tour of duty.  Opo tour of duty po dahil parang sundalo rin sila…nakikibaka sa ibang bansa para sa kanyang pamilya.  Isang karangalan po na maipakilala sa inyo mga ka-Tsong ang ating ofw on air guest na si Precious Sharon Mejico Guillen! Enjoy!

Malaking kaibahan ang maging isang OFW noon kaysa ngayon.  Naalala ko pa nuon, ang mahal ng tawag sa long distance kaya rasyon ang telephone call.  Naalala ko pa, nangingiti ako pag naghuhulog ako ng sulat sa post office sa Tokyo…(yubinkyoku).  Ang isinulat na I love you sa Christmas card ay talagang pinag-iisipan kasi you want it to be special pag natanggap sa Pinas.  Hehe, ngayon, wala na yung suspense.  Ngayon, may facebook messenger na, kaya split second lang, basa na ng sweetheart sa kabila.  Mabilis na ang komunikasyon...iniiksian pa….143 na lang. Mahaba na yung 14344.   Dati, pag-isinara mo ang sulat, may pabango at kasama pang kiss sa envelope…ngayon, emoticons na lang at mwah!  Di ko maintindihan, kung kailan mura at madali ang komunikasyon, dun pa naging maikli ang usapan.

Isa po sa aking adbokasya ay ang paggamit ng (wasto) teknolohiya upang patuloy natin makausap, mapakinggan at madama ang mga mahal natin sa buhay.  Kaya nga po sa interview portion lagi kong tinatanong sa ating guest kung papano ang communication niya at ng mahal niya sa buhay.  Sa pamamagitan nito ay makapulot tayo ng iba’t ibang paraan upang patuloy ang palitan at ugnayan ng kamag-anakan o mahal sa buhay.  More than the technology,  it is our desire to connect and our presence that is more meaningful than the keyboard stroke.

Ang ating makakapanayam ay isang Ilonggo na napadpad sa Damman, Kingdom Saudi Arabia.  Isang admin sa organisasyon na kung tawagin ay OFW Kami sa Gitnang Silangan.  Tipikal po na Ina itong ating guest at very practical minded po siya at walang nasa isip kundi ang maiangat ang pamilya.  Mahusay rin po siyang kumanta at iyan po ang isa sa paraan ng kanyang panlaban sa stress.  As usual, di ko na po sasayangin ang pagkakataon na ito na matuto at madagdagan ang ating kaalaman sa buhay OFW.  Narito po ang masayahin at mayuming si Rowena Bejemino Locre.

The incident noong Friday of Nov 13, 2015 will go down to our history book as another dark period in humanity.  Nakakalungkot isipin kung bakit kailangan pang pumatay para lang buhayin ang isang adhikain.  Dito sa OFW on AIR, we condemn violence in any shape or form.  Maaaring maingay o minsan tayo ay nagagalit sa mga isyu, ngunit kailan man, hinding hindi tayo gagamit ng karahasan at laging igagalang ang halaga ng buhay ng tao.  Ang dasal po ng inyong Kuya Tsong ay sana wala sa ating mga OFWs ang masaktan sa ganitong uri ng gawain at sana ay hindi magamit ang ating mga kababayan sa ganitong propaganda.  Focus lang po tayo sa ating mga pangarap para hindi tayo maligaw.

At ito rin ang sinabi ng ating susunod na makakapanayam sa episode 7 na ito.  Ibubunyag ni Alex ang isa na namang uri ng extortion sa ating mahal na bayang Pilipinas at ito ay tungkol sa mga pre-employment physical examination for OFWs.  Wala po tayong problema sa proseso at naiintindihan natin ang dahilan kung bakit kailangang gawin ito.  Ang bawat bansa ay may kanya-kanyang test requirements at malinaw na kung mayroon silang papapasukin bilang empleyado sa kanilang bansa, kailangan ay malusog or fit to work ang mga ito.  Ang hindi maganda lang ay kung ang mga medical clinics na ito ay ginagamit ang kanilang poder upang humingi ng "extrang" bayad sa mga OFW aspirants upang makapasa sa medical exams.  Super galing talaga ng mga mokong na medical clinics na ito.  Malinaw na extortion ito at kawawa naman ang ating mga manggagawa (OFW man o hindi).  Health Sec Janette Garin have a golden opportunity to serve her country.  Sana ay makita niya ang situation na ito bago ito maging isang katulad ng moro moro na Tanim Bala.

By the way, pasensya na po kayo sa inggay ng interview natin.  Mabagal po ang linya sa kinalalagyan ng ating panauhin kaya may mga background noise po kayong maririnig.  Ang mahalaga naman po ay maiintindihan ninyo pa rin naman ang usapan.  So ito na po si Alex Tualla na isang pest control fieldman sa Doha Qatar,  Enjoy!

Sa episode 6, ay ating tatalakayan kung ano ang nasa isip ng mga OFWs sa tuwing lalapit ang kapaskuhan.  Syempre, ito ang panahon ng bigayan kaya, sila ay naghahanda para sa kanilang mahal sa buhay.  Pakinggan ang payo ni Kuya Tsong sa mga OFW at lalong lalo na sa mga pamilya na naiwan ng mga OFWs.

Mapapakingan din natin ang interview natin kay Chris Matingin na isang OFW sa Marbella, Spain.  Dati na po siyang nagtrabaho sa Singapore at Norway at ngayon ay haping happy sa kanyang kalagayan bilang isang kasambahay.  Siya po isang single Mother, at isang prayer Christian na kung susundang ninyo siya ay halos araw araw ay nag popost po ng bible verses sa facebook. She does a lot of self study and take time to learn the language of the country she is working at.  Mahilig rin po sya magbasa ng mga inspirational books.  Pakinggan po ang bawat minuto ng interview at siguradong maiinspire kayo.

Enjoy!

Sa ating interview portion, ating makakasalamuhan ang isang graduate ng Nursing at ngayon ay nagtratrabaho bilang isang Medical staff sa Changi General Hospital, Singapore.  Maagang pinangarap ang maging OFW at pakinggan ninyo kung papano niya ito nakamit.   Bata pa po si Edz ngunit, marami na rin naranasan sa buhay OFW.  Makinig at matuto sa kanyang mga aral.

Enjoy!

At isa sa mga bagong bayani ay si Mary Jane Mateo na isang single mother na nagtratrabaho sa Muscat, Oman.  Dating nagtrabaho sa Hongkong si MJ at ngayon siya ay patuloy pa rin na nakikipagsapalaran sa buhay sa labas ng Pilipinas dito sa gitnang Silangan.  Mahusay siya sa social media , alamin natin kung saan niya ito nagagamit at papano ito naging sandata sa pagtulong sa mga kababayan natin sa gitnang silangan na nangangailangan ng tulong.  Mahigit isang oras na puno at liglig sa inpormasyon ang episode na ito.  Ano pa ang hinihintay ninyo...i-play na ang interview!

Sa bahagi naman ng interbyu, ating makakausap ang masayahin na taga-Dubai na si VickyJane Fuentes.  Sanay sa kayod sa Pilipinas, naisipan niyang umalis upang suportahan ang kanyang ina na may sakit.  Pakinggan ang magaan na huntahan namin ni VickyJane para kayo ay mangiti sa inyong buhay.  Aprub ito dahil  kapupulutan ito ng magagandang payo at aral. 

www.ofwonair.com

 
In summary, the aims of the show are...

• to educate, guide and inspire Filipinos who are planning or aspiring to work abroad. Fyi, more than 5,000 Filipinos are leaving our country everyday to become OFWs. (Data from www.poea.gov.ph)
• to provide a platform where we give  our so-called "Bagong Bayani" - OFWs - the opportunity to be heard and to inspire others
• to educate and expose the concerns, issues and sacrifices of OFWs.
• on a personal note: to pay forward something that I am very passionate about, the welfare of our kababayans, especially those who are working abroad with a family to feed back home.

For the first interview, I would like to give my huge thanks to Diane for her support in helping others.  Diane currently works as a registered nurse at Healthlink Alberta Heath Services, Canada.  She graduated as a nurse from the University of Sto. Tomas in 2005 and, after a short stint as staff nurse, she went on to continue following her passion of teaching by becoming a clinical instructor. Then in 2008, she left the Philippines to follow her dream of working abroad.  Let's listen to her story and why "you should not give up to follow your dream". Enjoy! And if you do, please like us at facebook at www.facebook.com/ofwonaironline and share this with your friends.  Maraming salamat po!