Í sendingini vísir Jesper til eina bók um gongutúrar í Keypmannahavn, les meira um hana her: https://muusmann-forlag.dk/gaa-tur-30-ture-paa-kanten-af-koebenhavn/

Eisini kann meira av hansara tilfarið finnast umvegis FB: https://www.facebook.com/jwrusa/ ella X: https://x.com/JesPerfekt eins og til ber at skriva til hann við viðmerkingum og spurningum har.

Farið verður avstað av tveimum støðum kl. 17.50: frá Skúlanum við Løkin og av Svangaskarði. Í ár hugleiðir Jóhannus Danielsen, fyrrverandi borgarstóri í Nes kommunu, og Sámal Ravnsfjall syngur.

Talan er um eitt sera hugnaligt barna- og familjuvinarligt tiltak, har burgarar og okkurt at drekka verða at fáa ókeypis. Øll eru hjartaliga vælkomin.

Nes og Runavíkar kommunur

Poul var borin í heim í Funningi. Hann las til løgfrøðing við Keypmannahavnar Lærda Háskúla og í 30 ár umboðaði hann Fólkaflokkin á Føroya løgtingi fyri Eysturoyar valdømi. Hann var m.a. við í sendinevndini, sum samráddist við danskar myndugleikar eftir krígslok. Í 20 ár var hann eisini fulltrúi í landsstýrinum.

Poul gav eisini bøkur út, og í 1973 fekk hann Bókmentavirðisløn M.A. Jacobsens fyri yrkisbókmentir.

Poul gjørdist 99 ára gamal, og tey seinastu árini búði hann í heimbygdini. Í dansistovuni fer m.o. Óli Breckmann at hugleiða um politikaran Poul Petersen, og eldri funningsfólk fara at minnast Poul, soleiðis sum tey minnast hann sum bygdarmann teirra.

Føroyski báturin er ein týðandi partur av okkara siðaarvi. Í øldir er handverkið at smíða føroyskar bátar borið víðari frá eldri til yngri ættarlið. Men nú er vandi fyri, at aldagamla handverkið og siðvenjurnar fara fyri bakka.

Vinnuliga brúkið av føroyska bátinum er nærum burtur, og eftirspurningurin eftir nýggjum bátum er nærum eingin. Kappróðurin heldur lív í bátasmíði og brúki, men kann ikki standa einsamallur.

Bátasmiðir verða ikki settir við, og verða munagóð stig ikki tikin nú, er handborna vitanin um føroyskt bátasmíð og um bátasiðvenjur burtur um heilt fá ár.

Týskvøldið tann 21. apríl á mentanarvikuni í Runavíkar kommunu seta vit øllum stevnu, ið eru áhugað í føroyska bátinum og føroyskum bátasmíði. Við framløgum, kjaki og pallborði fara vit at umrøða, hvussu bátasmíð kann verða varðveitt sum eitt livandi handverk, og hvussu føroyski báturin kann verða varðveittur í brúki.

Hvussu kunnu land, kommunur, stovnar, feløg og einstaklingar arbeiða saman um at varðveita bátasmíð og bátasiðvenjur fyri eftirtíðina?

Tjóðsavnið, Føroyska UNESCO-nevndin og Runavíkar kommuna skipa fyri tiltakinum. Tiltakið er ókeypis og øll eru hjartaliga vælkomin. Bárður á Lakjuni, landsstýrismaður í mentamálum, setur tiltaki.

Óluva Zachariassen er orðstýrari.

Hvar:BORG Glyvrar, Fjøruvegur 25, 625 Glyvrar.Nær:Týskvøldið 21. apríl, kl. 19.00 - 21.00

Skráin

19.00-05 VælkominMass Hoydal, leiðari í Visit Runavík

19.05-19.15 Setan av tiltakinumBárður á Lakjuni, landsstýrismaður í mentamálum

19.15-19.30 Føroyskt bátasmíð í framtíðiniFramløga við Kristinu Djurhuus Christiansen, savnvørði og samskipara av UNESCO-innskrivingini av føroyska bátinum, Tjóðsavnið

19.30-19.45 Tiltøk og átøk sum kunnu bjarga føroyska bátinumFramløga við Herleifi Hammer, stjóra á Tjóðsavninum

19.45-20.00 Stutt prát um týdningin av føroyska bátinum• Samson Højgaard, stovnari av Boat.fo• Rodmundur Nielsen, stjóri í BORG• Sonja Kjølbro, forkvinna í Klaksvíkar Róðrarfelag

20.00 – 20.20 Steðgur

20.20 - 21.00 Pallborðsfundur um føroyska bátin og bátasmíð í framtíðini

Tórbjørn Jacobsen, Borgarstjóri í Runavíkar kommunu og forfólk í stýrinum fyri Kommunufelagið

Elsa Berg, Borgarstjóri í Tórshavnar kommunu og næstforfólk í stýrinum fyri Kommunufelagið

Hanus Jensen, Føroyskur bátasmiður og savnsmiðlari, Vikingeskibsmuseet

Heini Hátún, Umboð úr Føroyum í norðurlendska stýrisbólkinum fyri UNESCO-innskrivingini av norðurlendska súðubygda bátinum

Kristina Djurhuus Christiansen, Savnvørður og samskipari av UNESCO-innskrivingini av føroyska bátinum, Tjóðsavnið

21.00 Spurningar og samanumtøka

Eftir krígslok tók menningin dik á seg í økinum eystanfyri við Skálafjørðin. Skip og virkir løgdust til, og brúk var harvið fyri tænastuvinnum. Ein lutur í hesum var Runavíkar Mekaniski Verkstaður. Undir skiftandi smiðjumeistarum eru nógvir lærlingar vorðnir sveinar í smiðjuni. Flestu teirra gjørdust seinri maskinmeistarar og mannaðu smiðjur og føroysk og útlendsk skip. Nakrir teirra, ið lærdu í RMV, fara at greiða frá sínari lærutíð og samtíðar samfelagnum, sum smiðjan var ein partur av.

Runavíkar kommuna bjóðar øllum at vera hjartaliga vælkomin til setanina av Mentanarvikuni, sum verður í Gulu Smiðju sunnudagin 19. apríl kl. 14. 

Petur Hansen, formaður í Mentanarnevndini, heldur røðu og tónleikarar úr Gulu Smiðju framføra. Suppa og drekkamuður verður at fáa.

Hvørt ár er skráin full við nógvum áhugaverdum tiltøkum so sum tónleiki, bókaframløgum, undirhaldi, fyrilestrum, listaframsýningum og mongum afturat. Aftuvendandi tiltøk í rúgvusmiklu skránni eru millum annað eitt orðaskifti um móðurmálið, morgumatur fyri íbúgvar í kommununi og stór konsert í Løkshøll.

Mentanarvikan hevur okkurt at bjóða til allar aldursbólkar og øll áhugamál og tiltøk eru í øllum 15 bygdunum í Runavíkar kommunu. Eitt gott høvi at vitja hvønn krók í kommununi!

mentanarvikan.fo

Valfundurin verður skipaður sum gomlu valfundirnir, har valevnini fáa høvi at greiða frá sínum sjónarmiðum og kjakast, umframt at lagt verður upp til at áhoyrararnir kunnu seta spurningar til valevnini.

Valevnini á fundinum verða øll valevnini kring Skálafjørðin.

Orðstýrari verður Torbjørn Jacobsen.

Aftaná fundin verður drekkamunnur við onkrum søtum afturvið, har fólk eisini fáa møguleikan at tosa við valevnini.

Øll eru hjartaliga vælkomin.

Løgtingsvalevnini kring Skálafjørðin

"Aldan – Hitt Radio skipar fyri einum opnum tiltaki, har øll valevi eru vælkomin at koma framvið og luttaka í einari beinleiðis sending.

Sendingin verður send bæði í útvarpinum og á YouTube, har valevni kunnu heilsa upp á hvønn annan, tosa saman og koma við viðmerkingum um tað, tey arbeiða fyri og vilja gera í politikki.

Tiltakið er óformelt. Her er høvi hjá valevnum at møtast, práta og seta orð á síni sjónarmið í einum avslappaðum umhvørvi, og tú kanst fylgja við.

Øll valevni eru vælkomin at koma framvið – eisini bara fyri at heilsa upp á og taka orðið eina løtu.

Vit senda beinleiðis á FM, heimasíðu, APP og á Facebook, har vit stroyma við myndum!"

Ein vælvirkandi bústaðarmarknaður er týdningarmikil fyri vøkstur og menning í einum samfelagi. Tí skulu haldgóðar loysnir finnast á ójavnvágini á føroyska bústaðarmarknaðinum, har útboðið av bústøðum ikki hevur megnað at fylgt við vaksandi eftirspurninginum, ið stavar frá tilflyting, hægri inntøku og broyttum bústaðar­ynskjum.

Frágreiðingin er gjørd av Deloitte Economics, og er fíggjað av LÍV, Tórshavnar Kommunu, Betri Banka, Føroya Arbeiðsgevarafelag og Føroya Handverksmeistarafelag. Ábyrgdina av innihaldinum í frágreiðingini hevur Deloitte Economics, og verður tað Majbritt Skov, ábyrgdarhavandi partnari í Deloitte, sum hevur framløguna í Auluni mánadagin. Umboð fyri nevndu stovnar luttaka í panelkjakinum eftirfylgjandi. 

Oddur er søgufrøðingur og undirvísir í løtuni á Læraraskúlanum. Søguslóðin er ein røð av sendingum, har vit taka utgangsstøði í einum evni og leita aftur eftir slóðini til tess at royna at skilja evni og hví tað er so.

Sendingin verður send mikudagar kl. 15 á Alduni.

Og kann Føroyar gerast vertur fyri eitt endaspæl í hondbólti? Tað svarar Andrass eisini uppá.

4 sendingar vera í hesum umfarinum, tann fyrsta verður 11. februar og ein nýggj verður so send aðruhvørja viku fylgjandi vikurnar.

Skráin: - Hvussu heldur man ein góðan Super Bowl Party? - Matur til veistluna - Fun facts - Hvussu vinna Seahawks? - Hvussu vinna Patriots? - Predictions - Lat okkum hyggja aftur til Seahawks-Patriots í Super Bowl 49 (2015)

Vertir: Aksel Berg, Agnar Prestá, Petur Asbjørn Lervig og Áron Vest